صنعتی ترقی اور ویلیو ایڈیشن کیلئے ہنر مند افرادی قوت کی فراہمی کی غرض سے جدید ٹیکنالوجی سے ہم آہنگ شارٹ کورسز اور اہم نجی اداروں کی سٹیٹ آف دی آرٹ مشینری پر عملی تربیت کی فراہمی کا آغاز کر دیا گیا،چیئر مین ریسرچ اینڈ ڈویلپمنٹ کمیٹی
منگل 11 دسمبر 2018 17:55
(جاری ہے)
انہوں نے بتایا کہ ہنر مند افرادی قوت سے نہ صرف ہماری پیداواری استعداد بڑھ سکتی ہے بلکہ مصنوعات کے معیار میں بہتر ی سے ان کی برآمدات کا سلسلہ بھی شروع کیا جا سکتا ہے۔
انہوں نے بتایا کہ چناب انجینئرنگ نے مفاہمتی یاد داشت کی روشنی میں گورنمنٹ کالج آف ٹیکنالوجی میں زیر تعلیم طلبہ کو عملی تربیت دینے کیلئے خصوصی تعاون کیا تاکہ یہ طلبہ فوری طور پر مشینوں پر کام کر سکیں اور اس سلسلہ میں انہیں آزادانہ طور پر کام کرنے میں کسی قسم کی دشواری کا سامنا نہ کرنا پڑے۔ انہوں نے مزید کہا کہ تکنیکی اداروں میں مختصر المدت کے ایسے پروگراموں کو ترجیح دینی چاہیے جن کی مارکیٹ میں طلب ہو۔ مزید برآں فارغ التحصیل ہونے والے طلبہ کیلئے ملازمتوں کا حصول بھی آسان ہو جائے گا۔ انجینئر احمد حسن نے بتایا کہ چین پاکستان اقتصادی راہداری کی وجہ سے پاکستان میں ترقی کا نیاد ور شروع ہونے والا ہے جس کیلئے ہمیں اپنی افرادی قوت کو اس طرح تیار کرنا ہو گا کہ وہ روایتی مشینوں کے ساتھ ساتھ نئی اور جدید مشینوں پر بھی یکساں طور پر کام کر سکیں۔ انہوں نے کہا کہ اس مقصد کیلئے ان کے نصاب کو عصر حاضر کے تقاضوں کے مطابق اپ گریڈ کرنے کے علاوہ ان کی جدید مشینوں پر عملی تربیت بھی ناگزیر ہے۔ انہوں نے بتایا کہ ایم تھری انڈسٹریل سٹی میں کئی بین الاقوامی ادارے اپنے یونٹ لگا رہے ہیں جن میں کئی آٹو موبائیل پلانٹ بھی شامل ہیں۔ انہوں نے کہا کہ ان صنعتوں کے تقریبا ً ہر یونٹ کیلئے ایسے ہنر مند افراد کی ضرورت ہو گی جو بین الاقوامی معیار کے صنعتی یونٹوں میں کام کرنے اور مطلوبہ نتائج دینے کی اہلیت بھی رکھتے ہوں۔ انہوں نے کہا کہ طلبہ کی تکنیکی صلاحیتوں کو نکھارنے کے ساتھ ساتھ ان میں نظم و ضبط وقت کی پابندی اور سینئر ،جونیئر کے احترام جیسی اخلاقی اقدار کو بھی پروان چڑھانا ہو گا۔ انہوں نے چناب انجینئرنگ سے تربیت مکمل کرنے والے طلبہ کی مجموعی کارکردگی پر اطمینان کا اظہار کیا اور بتایا کہ انہوں نے ان طلبہ کو ہر طرح سے بین الاقوامی معیار کے مطابق تیار کرنے پر بھی توجہ دی ہے جبکہ اس سلسلہ میں ٹیوٹا اور گورنمنٹ کالج اینڈ ٹیکنالوجی کی خدمات بھی قابل تحسین ہیں۔ اس موقع پر کالج کے پرنسپل سید افتخار حسین شاہ نے کالج کی طرف سے مہیا کی جانے والی سہولتوں کا ذکر کیا اور بتایا کہ تکنیکی تعلیم کے ساتھ ساتھ عملی تربیت دے کر ہی ہم نئے دور کیلئے بہترین افرادی قوت مہیا کر سکتے ہیں۔ بعد میں انجینئر احمد حسن نے چھ ماہ کے اس کورس کو مکمل کرنے والے پچیس طلبہ میں وظائف بھی تقسیم کئے۔متعلقہ عنوان :
مزید قومی خبریں
-
سرگودھا کے قصبہ بھلوال شہر سے 25 سالہ دوشیزہ کو اغواء کر کے گلے میں دوپٹہ ڈال کر قتل کر دیا گیا
-
چیچہ وطنی کے علاقہ اقبالنگر میں خاوند نے غیرت کے نام پر اپنی بیوی کو قتل کردیا
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.