نیشنل بینک، یو آئی سی کے درمیان زرعی شعبہ کو مستحکم کرنے کا معاہدہ طے پا گیا

منگل 11 دسمبر 2018 21:20

اٹک ۔ (اُردو پوائنٹ اخبارتازہ ترین - اے پی پی۔ 11 دسمبر2018ء) نیشنل بینک اوریو آئی سی کے درمیان زرعی شعبہ کو مستحکم کرنے کا معاہدہ طے پا گیا۔ چونسٹھ فیصددیہی آبادی کا تحفظ ضروری ہے۔ نیشنل بینک آف پاکستان اور یونائیٹڈانشورنس کمپنی (یو آئی سی)کے درمیان ملک کے زرعی شعبہ کو مستحکم کرنے کا معاہدہ طے پا گیا ۔

(جاری ہے)

معاہدے کے تحت یو آئی سی زراعت اور لائیو سٹاک کے شعبوں میں کام کرنے والے کاشتکاروں کو بیمے کی سہولت فراہم کرے گی تاکہ انھیں نقصانات سے بچایا جا سکے۔

اس موقع پریونائیٹڈ انٹرنیشنل گروپ کے چئیرمین میاں ایم اے شاہدنے کہا کہ پاکستان میں فصلوں اور لائیو سٹاک کی انشورنس کا آغاز ہمارے گروپ نے کیا ۔ہم اس کام کو کاروبار کے ساتھ سماجی خدمت سمجھتے ہیں اور ہماری کمپنی نے کم وقت میں ریکارڈ ترقی کی ہے ۔