بھارتی کرکٹ بورڈ کا مقدمات کے اخراجات کے لئے پی سی بی کے خلاف 2 ملین ڈالر کا دعویٰ دائر

منگل 11 دسمبر 2018 23:47

اسلام آباد(اُردو پوائنٹ اخبارتازہ ترین - آن لائن۔ 11 دسمبر2018ء) بھارتی کرکٹ بورڈ کے خلا ف مقدمہ کرنا پی سی بی کے گلے پڑ گیا۔ پاکستان کرکٹ بورڈ نے بی سی سی آئی کے خلاف 70 ملین ڈالر ہرجانے کا دعویٰ دائر کیا تھا لیکن پاکستان آئی سی سی میں بھارت کے خلاف کیس جیت نہیں سکا تھا جس کے جواب میں بھارتی کرکٹ بورڈ نے مقدمات کے اخراجات کے لئے پی سی بی کے خلاف 2 ملین ڈالر کا دعویٰ دائر کر دیا۔

(جاری ہے)

میڈیا رپورٹس کے مطابق پاکستان کرکٹ بورڈ کے بھارتی کرکٹ بورڈ کے خلاف مقدمہ کرنا مہنگا پڑ گیا پاکستان نے بی سی سی آئی کے خلاف سیریزکھیلنے کے طے شدہ معاہدے سے انحراف کرنے پر 70 ملین ڈالر ہر جانے کا کیس کیا تھا لیکن انٹر نیشنل کرکٹ کونسل (آئی سی سی ) میں پاکستان کرکٹ بورڈ بھارت کے خلاف کیس جیت نہیں سکا تھا جس پر بی سی سی آئی نے بھی مقدمات کے اخراجات کے لئے پاکستان کے خلاف دعویٰ دائر کر دیا بھارت نے آئی سی سی تنازع کمیٹی سے پی سی بی کے خلاف 2 ملین ڈالر کا دعویٰ دائر کر دیا ہے۔