فلم ’’2.0‘‘ کا باکس آفس پر شاندار بزنس، سات دن میں سوا چھ سوکروڑ کمالیے

یہ فلم دنیا بھر کی 10 میگا بجٹ فلموں میں شامل ہوگئی ہے جسے مئی 2019میں چین میں بھی ریلیز کیا جائیگا

بدھ 12 دسمبر 2018 12:18

فلم ’’2.0‘‘ کا باکس آفس پر شاندار بزنس، سات دن میں سوا چھ سوکروڑ کمالیے

ممبئی (اُردو پوائنٹ اخبارتازہ ترین - این این آئی۔ 12 دسمبر2018ء) اکشے کمار اور رجنی کانت کی سائنس اور ایکشن سے بھرپور بالی ووڈ فلم ’’2.0‘‘کا باکس آفس پر شاندار بزنس جاری ہے، 7دن میں دنیا بھر سے 620کروڑ کما لئے۔بالی ووڈ کے ایکشن ہیرو اکشے کماراور سپر اسٹار رجنی کانت کی نئی آنے والی سائنس اوت ایکشن سے بھرپور فلم ’’2.0‘‘ نے سینما گھروں میں ریلیز کردی گئی ہے ۔

بھارتی میڈیا رپورٹس کے مطابق بھارت کی مہنگی ترین فلم نے اپنی ریلیز کے ساتویں دن ہی دنیا بھر سے 620کروڑ کما کر سنجے لیلا بھنسالی کی پدماوت کو بھی پیچھے چھوڑ دیا ہے۔

(جاری ہے)

فلم ’’2.0‘‘ میں اکشے کمارایک یا 2 نہیں بلکہ 12 مختلف اقسام کے روپ دھاریں گے جس میں خوفناک اور سائنس دان کا روپ بھی شامل ہے جب کہ فلم میں رجنی کانت بھی 5 الگ انداز میں نظر آئیں گے اور اس طرح یہ دونوں اداکاروں کی کئی روپ بدلنے والی یہ پہلی فلم ہے جو 29نومبر کو سینما گھروں میں نمائش کیلئے پیش کی جائیگی جبکہ فلم میں برطانوی اداکارہ ایمی جیکسن بھی اہم کردار میں نظر آئیں گی ۔

واضح رہے کہ 543 کروڑ کے میگا بجٹ سے بننے والی فلم2.0 نا صرف بھارت کے بلکہ دنیا بھر کی 10 میگا بجٹ فلموں میں شامل ہوگئی ہے جسے مئی 2019میں چین میں بھی ریلیز کیا جائیگا۔