نوبل انعام یافتہ نادیہ مراد کی عراق آمد، صدر سے ملاقات

جمعرات 13 دسمبر 2018 11:14

بغداد (اُردو پوائنٹ اخبارتازہ ترین - اے پی پی۔ 13 دسمبر2018ء) امن کا نوبل انعام حاصل کرنے والی انسانی حقوق کی سرگرم کارکن نادیہ مراد نے اپنے ملک عراق پہنچ کر صدر براہم صالح سے ملاقات کی ہے۔ عالمی ذرائع ابلاغ کے مطابق وہ سویڈش دارالحکومت سٹاک ہوم میں نوبل انعام وصول کرنے کے بعد پہلی مرتبہ اپنے ملک گئی ہیں۔

(جاری ہے)

صدارتی محل میں نادیہ مراد نے غیرملکی سفیروں اور کمیونٹی لیڈروں کے ایک اجتماع سے خطاب بھی کیا۔ نادیہ مراد کا تعلق عراق کی اقلیتی آبادی ایزدی سے ہے۔ انہوں نے عراقی حکومت سے لاپتہ ایزدی خواتین کی تلاش کا مطالبہ بھی کیا۔ دہشت گرد تنظیم داعش نے 2014ء میں شمالی عراق میں فوج کشی کے دوران سات ہزار خواتین اور لڑکیوں کو غلام بنایا تھا اور ان میں وہ بھی شامل تھیں۔