اداکارہ مہک نور کا غریبوں کے لئے این جی او بنانے کا فیصلہ

غریب بچوں کی تعلیم کے اخراجات بھی برداشت کیے جائیں گے‘خصوصی گفتگو

جمعرات 13 دسمبر 2018 13:29

اداکارہ مہک نور کا غریبوں کے لئے این جی او بنانے کا فیصلہ

لاہور (اُردو پوائنٹ اخبارتازہ ترین - این این آئی۔ 13 دسمبر2018ء) اداکارہ مہک نور نے کہا ہے کہ غریب لوگوں کی خدمت کرنے کا عزم ہر لمحے دل میں ہوتاہے ، کسی کو دکھی دیکھ کر خود پریشان ہو جاتی ہوں ،غریبوں کے لئے جلد این جی او بنائوں گی ،شہرت نے مغرور نہیں کیا بلکہ مجھ میں زیادہ عاجزی آگئی ہے ۔

(جاری ہے)

انہوں نے ’’این این آئی‘‘ سے خصوصی گفتگو کرتے ہوئے کہا کہ دل کی ساری خواہشیں پوری ہوئی ہیں مگر چاند پر جانے کا خواب ابھی ادھورا ہے ۔

موجودہ مقام تک آنے کے لئے میں نے انتھک محنت کی ہے اور جو لوگ بھی میری کامیابی میں میرے ساتھ رہے ہیں میں ان کو کبھی بھی فراموش نہیں کر سکتی ۔ مہک نور نے کہا کہ میں جلد غریبوں کے لئے ایک این جی او بنائوں گی جس تحت غریب اور مفلس لوگوں کی خدمت کرنے کے ساتھ غریب بچوں کی تعلیم کے اخراجات بھی برداشت کیے جائیں گے۔