آبادی کے بے ہنگم اضافے کے سد باب کیلئے علماء، اساتذہ، میڈیا اور سول سوسائٹی کے افراد کو کردار ادا کرنا ہوگا‘ ہاشم ڈوگر

جمعرات 13 دسمبر 2018 21:05

لاہور(اُردو پوائنٹ اخبارتازہ ترین - این این آئی۔ 13 دسمبر2018ء) صوبائی وزیر محکمہ بہبود آبادی پنجاب کرنل (ر) ہاشم ڈوگر نے کہا ہے کہا ہے کہ آبادی کے بے ہنگم اضافے کے سد باب کیلئے علماء، اساتذہ، میڈیا اور سول سوسائٹی کے افراد کو کردار ادا کرنا ہوگا۔ خوشحال گھرانے کی بنیاد صحتمند ماں ہی رکھ سکتی ہے اس لئیے ضروری ہے کہ ہم صحتمند ماں اوصحتمند بچے کے نظریے کو فروغ دیا جائے۔

ان خیالات کا اظہار انہوں نے محکمہ بہبود آبادی شیخوپورہ کی جانب سے بڑھتی ہوئی آبدی کی روک تھام کے حوالے سے منعقدہ سیمینار سے خطاب کرتے ہوئے کیا۔ انہوں نے محکمے کے ملازمین کو دیانتداری سے اپنے فرائض کی انجام دہی کی تلقین کرتے ہوئے یقین دہانی کروائی کہ 3700 ملازمین کو ان کی نوکریوں سے فارغ نہیں کیا جائے گا۔

(جاری ہے)

صوبائی وزیر نے کہا کہ علما،ْ کی خدمات سرکاری سطح پر حاصل کرنے کے لئیے ان کو ادارے کی جانب سے دوسرے ملازمین کی طرح نوکریاں دی جائیں گیں ، اسکے ساتھ ساتھلڑکا اور لڑکی کی شادی سے قبل فیملی کائونسلنگ کے حوالے سے بل اسمبلی میں لایا جارہا ہے۔

جوڑوں کو کائونسلنگ سے متعلقہ سرٹیفکیٹ بھی دیا جائے گا۔ انہوں نے کہا کہ حکومت آبادی کو کنٹرول کرنے کے متعلق انتہائی سنجیدہ ہے ۔ سمپوزیم میں ڈائریکٹر فنانس حافظ عبدالمجید سمیت دیگر عہدیداران نے بھی شرکت کی۔