نچلی سطح پر اختیارات کی منتقلی حکومت کی ترجیحات میں شامل ہے، سردارصالح محمد بھوتانی
ْصوبے میں نئے بلدیاتی نظام کے حوالے سے سیاسی جماعتوں اور تمام اسٹیک ہولڈرز کے ساتھ مشاورت کا سلسلہ جاری ہے،لوکل گورنمنٹ کو ملنے والے فنڈز کی مانیٹرنگ ہونے چاہئے، صوبائی وزیربلدیات و دیہی ترقی کا مشاورتی اجلا س سے خطاب
جمعرات 13 دسمبر 2018 22:12
(جاری ہے)
مشاورتی اجلاس میں صوبائی وزیرمیر اسد بلوچ ،ارکان صوبائی اسمبلی ثناء بلوچ ، نصراللہ زیرے ، مبین خان خلجی ،ملک سکندرایڈووکیٹ ،دھنش کمار ،ڈسٹرکٹ چیئرمین عیسیٰ روشن ،ملک عثمان،سیکرٹری لوکل گور نمنٹ قمبر دشتی اوردیگر نے بھی شرکت کی۔
مشاورتی اجلاس میں ارکان صوبائی اسمبلی ،سیاسی جماعتوں کے رہنماوں اوردیگر نے نئے بلدیاتی نظام کے حوالے سے اپنی اپنی جماعتوں کی جانب سے تجاویز پیش کیں۔صوبائی وزیر بلدیات و دیہی ترقی سردار صالح محمد بھوتانی نے مشاورتی اجلاس سے خطاب کرتے ہوئے کہا کہ ارکان صوبائی اسمبلی اور دیگر مقررین نے جو تجاویز دی ہیں اس کا جائزہ لیا جائے گا تاکہ نئے بلدیاتی نظام کو مزید بہتراور موثر بنیایا جاسکے۔ انہوں نے کہا کہ موجودہ نچلی سطح پراختیارات کی منتقلی صوبائی حکومت کی ترجیحات میں شامل ہے تاکہ عوام کے مسائل نچلی سطح پر حل ہوسکیں۔ انہوں نے کہا کہ موجودہ حکومت نئے بلدیاتی نظام کے حوالے سے ارکان صوبائی اسمبلی ، سیاسی جماعتوں اوردیگر اسٹیک ہولڈرز کے ساتھ مشاورتی اجلاس منعقد کر رہی ہے تاکہ بلوچستان میں ایک موثر اور مضبوط بلدیاتی نظام لایا جاسکے اس سلسلے میں ارکان اسمبلی اوردیگر اسٹیک ہولڈر کی تجاویز کا خیر مقدم کرتے ہیں ہماری کوشش ہے کہ بلدیاتی نظام کو پہلے سے زیادہ بہتر اور موثر بنایا جاسکے۔انہوں نے کہا کہ محکمہ لوکل گورنمنٹ و دیہی ترقی کی تجویز پر صوبائی کابینہ نے میٹروپولیٹن کارپوریشن کوئٹہ کی حدود میں توسیع کرتے ہوئے یونین کونسلزکیچی بیگ ،شادینزئی، بلیلی اور سرہ غڑگئی ڈسٹرکٹ کوئٹہ کو میڑوپولیٹن کارپوریشن کوئٹہ میں شامل کیا گیاکچلاک یونین کونسل کچلاک کو میونسپل کمیٹی کچلاک ڈسٹرکٹ کوئٹہ جبکہ یونین کونسل صدر سمالان کو میونسپل کمیٹی سنجاوی بمقام زیارت میں شامل کیا ہے جس سے ان علاقوں کے عوام کو سہولیات کی فراہمی میں مددملے گی۔انہوں نے کہا کہ ارکان اسمبلی کی جانب سے لوکل گورنمنٹ ایکٹ کے حوالے سے بل اسمبلی میں لانے کی تجویز کے حوالے سے اپنی پارٹی کے قائد و و یراعلیٰ بلوچستان جام کمال خان سے بات کریں گے۔متعلقہ عنوان :
مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.