پاکستان اسٹاک ایکس چینج میں مندی کا تسلسل جاری ،سرمایہ کاروں کے مزید43ارب23 کروڑ روپے سے زائدڈوب گئے

کراچی (اُردو پوائنٹ اخبارتازہ ترین - این این آئی۔ 13 دسمبر2018ء) پاکستان اسٹاک ایکسچینج میںمندی کا تسلسل جاری کاروباری ہفتے کے چوتھے روز جمعرات کوبھی مندی رہی اور کے ایس ای 100 انڈیکس 38300اور38200کی نفسیاتی حدوں سے گرگیا،مندی کے نتیجے میںسرمایہ کاروں کے مزید43ارب23 کروڑ روپے سے زائدڈوب گئے،کاروباری حجم گذشتہ روز کی نسبت42.14فیصدکم جبکہ64.95فیصد حصص کی قیمتوں میں کمی ریکارڈ کی گئی ۔

حکومتی مالیاتی اداروں ، مقامی بروکریج ہائوسز سمیت دیگرانسٹی ٹیوشنز کی جانب سے توانائی ، بینکنگ، سیمنٹ اور دیگرمنافع بخش حصص میں خریداری کے باعث کاروبار کاآغاز مثبت زون میں ہوا، ٹریڈنگ کے دوران ایکم موقع پر کے ایس ای100انڈیکس38464پوائنٹس کی بلندسطح پر بھی دیکھا گیاتاہم ڈالر کے مقابلے میں پاکستانی روپے کے دبائو کے باعث مقامی سرمایہ تذبذب کاشکار نظرآئے اور خریداری سے گریز کیاجس کے نتیجے میں تیزی کے اثرات زائل ہوگئے اور ٹریڈنگ کے دوران کے ایس ای100انڈیکس37766پوائنٹس کی نچلی سطح پر آگیا تاہم بعدازاں غیرملکی سرمایہ کاروں کی جانب سے توانائی سمیت دیگرسیکٹر کی نچلی سطح پر آئی ہوئی سرمایہ کاری کے باعث مارکیٹ میں ریکوری آئی جس کے نتیجے میں کے ایس ای100انڈیکس کی 38000کی نفسیاتی حد بحال ہوگئی تاہم اتارچڑھائو کا سلسلہ سارا دن جاری رہا۔

(جاری ہے)

مارکیٹ کے اختتام پر کے ایس ای100انڈیکس295.81پوائنٹس کمی سی38011.63پوائنٹس پر بندہوا۔مجموعی طور پر351کمپنیوں کے حصص کا کاروبار ہوا،جن میں سی98کمپنیوں کے حصص کے بھاؤ میں اضافہ،228کمپنیوں کے حصص کے بھاؤ میں کمی جبکہ25کمپنیوں کے حصص کے بھاؤ میں استحکام رہا۔سرمایہ کاری مالیت میں43ارب23 کروڑ87لاکھ47ہزار425روپے کی کمی ریکارڈ کی گئی جبکہ سرمایہ کاری کی مجموعی مالیت گھٹ کر76کھرب75 ارب69 کروڑ02لاکھ35ہزار777روپے ہوگئی ۔

جمعرات کومجموعی طور پر8کروڑ42لاکھ48ہزار500شیئرزکا کاروبارہوا،جوبدھ کی نسبت6کروڑ13لاکھ79ہزار260 شیئرزکم ہیں۔قیمتوں کے اتار چڑھاؤ کے حساب سے آرکوماپاک کے حصص سرفہرست رہے ،جس کے حصص کی قیمت27.62روپے اضافے سی580.07روپے اورشیزان انٹرنیشنل کے حصص کی قیمت24.74روپے اضافے سی519.74روپے پر بند ہوئی۔نمایاں کمی صنوفائی ایونٹس کے حصص میں ریکارڈکی گئی،جس کے حصص کی قیمت39.66روپے کمی سی753.67روپے اورباٹاپاک کے حصص کی قیمت39.58روپے کمی سی1528.42روپے پر بند ہوئی ۔

جمعرات کوٹی آر جی پاک لمیٹڈکی سرگرمیاں58لاکھ48ہزارشیئرز کے ساتھ سرفہرست رہیں،جس کے شیئرز کی قیمت42پیسے کمی سی23.89روپے اور پاک الیکٹرون کی سرگرمیاں47لاکھ94ہزار500شیئرز کے ساتھ دوسرے نمبر پر رہی،جس کے شیئرز کی قیمت49پیسے کمی سی24.99روپے ہوگئی۔جمعرات کوکے ایس ای30انڈیکس161.00پوائنٹس کمی سی18090.05پوائنٹس،کے ایم آئی30انڈیکس814.33 پوائنٹس کمی سی64003.84پوائنٹس جبکہ کے ایس ای آل شیئر انڈیکس164.42پوائنٹس کمی سی28019.76پوائنٹس پر بند ہوا ۔