آسٹریلیا کا شمالی ساحل شدید سمندری طوفان کی زد میں

جمعہ 14 دسمبر 2018 14:38

کینبرا (اُردو پوائنٹ اخبارتازہ ترین - اے پی پی۔ 14 دسمبر2018ء) آسٹریلیا کے شمال مشرقی ساحلی علاقے شدید سمندری طوفان کی زد میں ہیں۔ جرمن نشریاتی ادارے کے مطابق اس طوفان کی وجہ سے موسلادھار بارشوں اور تباہ کن ہواؤں کا سلسلہ جاری ہے۔

(جاری ہے)

آسڑیلوی ریاست کوئنزلینڈ کے ساحلی حصے سے ٹکرانے والے اس سمندری طوفان کو کیٹیگری چار میں رکھا گیا ہے۔ حکام کے مطابق اس سمندری طوفان کی وجہ سے ہفتے کے روز کئی علاقوں میں مٹی کے تودے کر سکتے ہیں۔ اس طوفان کی وجہ سے دو سو کلومیٹر فی گھنٹہ کی رفتار سے ہوائیں چل رہی ہیں۔ گزشتہ ماہ اسی آسٹریلوی ریاست میں جنگلات میں لگنے والی آگ کی وجہ سے وسیع پیمانے پرتباہی ہوئی تھی۔