ْاسلام آباد انٹرنیشنل ایئرپورٹ سے کراچی جانے والے مسافر کے سامان سے 1130گرام منشیات برآمد

جمعہ 14 دسمبر 2018 22:30

اسلام آباد ۔ (اُردو پوائنٹ اخبارتازہ ترین - اے پی پی۔ 14 دسمبر2018ء) اسلام آباد انٹرنیشنل ایئرپورٹ سے کراچی جانے والے مسافر کے سامان سے 1130گرام منشیات برآمد کر لی گئیں۔

(جاری ہے)

تفصیلات کے مطابق قومی ایئر لائن پی آئی اے کی پرواز پی کے 373 سے اصل زادہ ولد رحمت زادہ سکنہ تحصیل کبل ضلع سوات کا رہائشی اسلام آباد ایئرپورٹ سے کراچی جا رہا تھا کہ ایئرپورٹ سیکورٹی فورس (اے ایس ایف) کے حکام نے چیکنگ کے دوران اس کے سامان سے 1130 گرام منشیات برآمد کر لی جس میں 700 گرام آئس ہیروئن شیمپو کی بوتلوں جبکہ 430گرام ہیروئن شاپنگ بیگ میں چھپا رکھی تھی۔ ایئرپورٹ سیکورٹی فورس نے مسافر کو تحقیقات کیلئے اے ایس ایف سیل میں منتقل کر دیا ہے۔