حکومت بزنس کو آسان بنانے کیلئے پالیسیاں تشکیل دے رہی ہے،اس وقت حکومت کو کافی مسائل کا سامنا ہے لیکن ہم بہتری کی جانب جا رہے ہیں‘ورلڈ بینک کی رپورٹ کے مطابق اس وقت پاکستان کاروبار کرنے میں آسانی کی رینکنگ میں 137ویں نمبر پر ہے ،عمران خان نے پاکستان کا نمبر ایک سو سے کم پر لانے کا کام سونپاہے ،
وزیر اعظم کے مشیر برائے کامرس عبدالرزاق دائود کاراولپنڈی چیمبر آف کامرس اینڈانڈسٹری کی تقریب سے بطور مہمان خصوصی خطاب
جمعہ 14 دسمبر 2018 23:40
(جاری ہے)
انہوں نے کہا کہ ماضی میں ہر وزیر نے دعویٰ کیا کہ اقتدار میں آکر ایف بی آر میں اصلاحات کریں گے ۔ پہلی دفعہ پی ٹی آئی حکومت نے ایف بی آر میں ریفارمز کا آغاز کیا ہے پہلے ایف بی آر ایمپائر بھی تھا اور پلیئر بھی تھا لیکن اب ایسا نہیں ہوگا ۔
اب وزارت خزانہ اور ایف بی آر کو علیحدہ علیحدہ ٹاسک سونپے گئے ہیں ۔ انہوں نے کہا ہم ٹیرف پالیسی لا رہے ہیں جس سے بزنس کمیوٹی کو فوائد ملیں گے ۔ انہوں نے کہا کہ میں نے گزشتہ دنوں دورہ جاپان میں وہاں کی بڑی کمپنیوں کے ساتھ ملاقات کی ہے جس میں انہوں نے پاکستان میں سرمایہ کاری میں دلچسپی کا اظہار کیا ہے ۔ ایگزون موبل 28سال بعد پاکستان میں دوبارہ کاروبار شروع کررہی ہے جو اس بات کا اظہار ہے کہ ملک میں سرمایہ کار فرینڈلی پالیسیاں تشکیل دی جارہی ہیں۔ انہوں نے کہا کہ اس وقت حکومت کو کافی مسائل کا سامنا ہے لیکن ہم بہتری کی جانب جا رہے ہیں۔ دریں اثنا وزیر اعظم کے معاون خصوصی برائے اوورسیز پاکستانیز ذوالفقار عباس بخاری نے تقریب سے خطاب کرتے ہوئے کہا کہ آنیوالے دنوں میں پاکستان کی تاریخ کی سب سے بڑی سرمایہ کاری آرہی ہے ۔ بیرون ملک مقیم پاکستانیوں کو ملک میں سرمایہ کاری اور ترسیلات زر بینکوں کے ذریعے بھجوانے کیلئے اقدامات کر رہے ہیں۔ بیرون ملک پاکستانی اس وجہ سے وہاں کامیاب ہورہے ہیں کہ وہاں کے ادارے درست سمت میں کام کررہے ہیں جب کہ ہمارے ہاں اداروں میں کرپشن کی وجہ سے بہت زیادہ مسائل ہیں ۔ وزیر اعظم عمران خان کی زیر قیادت ہم نے اپنے پہلے سو دنوں میں یہ بات طے کر دی ہے کہ اداروں کو درست کرنا ہے اور عوام دوست پالیسیاں تشکیل دے کر ملک میں غربت کے خاتمے کیلئے اپنا بھرپور کردار ادا کرنا ہے ۔ انہوں نے کہا کہ اگلے چھ ماہ میں حالات تبدیل ہوجائیں گے۔راولپنڈی چیمبر آف کامرس اینڈ انڈسٹری کی جانب سے منعقد کی جانیوالی ایمرجنگ پاکستان تقریب میں ملک بھر کے چیمبرز آف کامرس کے صدور، مختلف تجارتی ایسوسی ایشنز کے عہدیداران سمیت بزنس کمیونٹی نے بڑی تعداد میں شرکت کی۔مزید قومی خبریں
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
-
فیصل آباد سے پتوکی اپنے سسرال آئے شخص نے خود کو فائر مارکر خودکشی کرلی نعش ہسپتال پتوکی منتقل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.