وزیر مملکت شہریار آفریدی کا ترلائی میں بے گھر افراد کیلئے بنائی گئی پناہ گاہ کا دورہ،

فراہم سہولیات کاجائزہ لیا پناہ گاہ وزیراعظم کے وژن کے مطابق بے گھر افراد کی عزت نفس کو دیکھتے ہوئے قائم کی گئی ہے، بے گھر افراد کو 3 وقت کھانا، رہائش، گرم بستر اور تحفظ فراہم کیا جائیگا، چیف کمشنر کی وزیر مملکت داخلہ کو بریفنگ

ہفتہ 15 دسمبر 2018 13:19

وزیر مملکت شہریار آفریدی کا ترلائی میں بے گھر افراد کیلئے بنائی گئی ..

اسلام آباد (اُردو پوائنٹ اخبارتازہ ترین - این این آئی۔ 15 دسمبر2018ء) وزیر مملکت برائے داخلہ شہریار آفریدی نے ترلائی میں بے گھر افراد کیلئے بنائی گئی پناہ گاہ کے دورہ کیا اور فراہم کی گئی سہولیات کاجائزہ لیا ۔جاری بیان کے مطابق وزیر مملکت برائے داخلہ شہریار آفریدی نے ہفتہ کو وزیراعظم کی ہدایت پر ترلائی میں بے گھر افراد کیلئے پناہ گاہ کا دورہ کیا ۔

(جاری ہے)

اس موقع پر چیف کمشنر عامر علی احمد اور اے ڈی سی جی کیپٹن شعیب علی نے وزیر مملکت برائے داخلہ کو بریفنگ دیتے ہوئے بتایا کہ وزیراعظم عمران خان کے وژن کے مطابق بے گھر افراد کی عزت نفس کو دیکھتے ہوئے پناہ گاہ قائم کی گئی ہے۔ انہوں نے بتایا کہ پناہ گاہ میں 104 مرد اور 40 خواتین کے رہنے کا انتظام کیا گیاہے، پناہ گاہ میں بے گھر افراد کو 3 وقت کھانا، رہائش، گرم بستر اور تحفظ فراہم کیا جائے گا۔ انہوں نے کہا کہ نئے فیسیلی ٹیشن سینٹر میں ریونیو سمیت دیگر سہولیات کا انتظام کیا گیاہے ۔ اس موقع پر وزیر مملکت شہریار آفریدی نے کہا کہ آئندہ چند روز میں وزیراعظم عمران خان اس پناہ گاہ کا افتتاح کریں گے۔