نئے پاکستان میں جمہوریت کو نہیں کرپٹ مافیا کو جیل جانے کا خطرہ ہے‘تمکین آفتاب

پنجاب میں دس سال شہباز شریف کی حکومت رہی ،پروڈکشن آڈر قانون بنانے کا خیال نہیں آیا

ہفتہ 15 دسمبر 2018 15:10

لاہور (اُردو پوائنٹ اخبارتازہ ترین - این این آئی۔ 15 دسمبر2018ء) مسلم لیگ (ق) پنجاب کی جوائنٹ سیکرٹری تمکین آفتاب ملک نے کہا ہے کہ نئے پاکستان میں جمہوریت کو نہیں کرپٹ مافیا کو جیل جانے کا خطرہ ہے،پنجاب میں دس سال شہباز شریف کی حکومت رہی لیکن ان کو پروڈکشن آڈر قانون بنانے کا خیال نہیں آیا۔انہوں نے اپنے جاری کردہ بیان میں کہا کہ سپیکر پنجاب اسمبلی چوہدری پرویز الٰہی نے جمہوری روایات کو فروغ دیتے ہوئے پروڈکشن آڈر کے معاملے پر کمیٹی بنائی ہے ۔

(جاری ہے)

کیونکہ آئندہ مزید لوگوں کے پروڈکشن آڈر جاری کی ضرورت پڑھ سکتی ہے۔ن لیگ کے اکثر اراکین اسمبلی نیب کے ریڈار پر ہیں کیونکہ دس سال یہ لوگ سیاہ و سفید کے مالک رہے ہیں اب قومی خزانے کو لوٹنے کا حساب دینا پڑھ رہا ہے تو جمہوریت کو خطرہ قرار دے رہے ہیں ۔انہوں نے کہاوزیر اعظم عمران خان کو عوام نے کرپشن کے خاتمے کے نام پر ووٹ دیے ہیں۔لہذا وزیر اعظم کرپشن مکائو مہم کو انجام تک پہنچائیں گے۔اگر اپوزیشن جماعتیں ملک سے کرپشن کا خاتمہ چاہتی ہیں تو خود احتساب کیلئے پیش کریں تاکہ ملک میں غیر ملکی سرمایہ کاری کی راہ ہموار ہو سکیں۔