ایل ڈی اے نے جوہر ٹائون میں ایک ہزار کنال اراضی پر قائم جھگیاں ہٹانے کیلئے آپریشن شروع کر دیا

اتوار 16 دسمبر 2018 21:30

لاہور ۔16دسمبر(اُردو پوائنٹ اخبارتازہ ترین - اے پی پی۔ 16 دسمبر2018ء) ڈائریکٹر جنرل لاہور ڈویلپمنٹ اتھارٹی کی آمنہ عمران کی ہدایت پر ایل ڈی اے کے عملے نے جوہر ٹاؤن میں ایکسپو سنٹر کے علاقے میں کھوکھر پیلس کے بالمقابل سینکڑوں کنال اراضی پر بنائی جانے والی جھگیوں کے خلاف آپریشن شروع کردیا ہے۔

(جاری ہے)

بظاہر نظر آنے والی جھگیاں قیمتی سرکاری اراضی پر قبضہ کرنے کی آڑ میں پہلے مرحلے کے طور پر لگائی جاتی ہیں۔جوہر ٹاؤن کے فنانس اینڈ ٹریڈ سنٹر بلاک میں واقع اس جگہ کا رقبہ تقریبا ایک ہزار کنال ہے جہاں جھگیوں کے علاوہ کچے پکے مکانات اور دیگر سٹرکچر بھی تعمیر کئے گئے ہیں-جھگیوں والوں کا کہنا ہے کہ وہ بااثر افراد کو اس جگہ کا کرایہ ادا کرتے ہیں۔آپریشن آج بھی جاری رہے گا -