بطخوں کے بارے میں حیران کن حقائق
امین اکبر اتوار 16 دسمبر 2018 23:18
ڈونلڈ ڈک کے کارٹون دیکھنے والے بچوں کو تو بطخوں سے محبت ہوجاتی ہے لیکن کرکٹ میں صفر پر آؤٹ ہونے والے کھلاڑی بطخ سے خاصی نفرت کرتے ہیں۔ویسے تو تالابوں یا آبشاروں میں تیرنے والے تمام پرندوں، جیسے بگلا، راج ہنس اور اسی انواع کے تمام پرندوں کو ، مجموعی طور پر بطخ ہی کہا جاتا ہے لیکن ہم آپ کو صرف بطخ یعنی گھروں میں پالی جانے والی عام بطخوں کے بارے میں حیران کن حقائق بتائیں گے۔
• بطخوں کی زبان میں ہڈی ہوتی ہے۔
• بطخ کی قیں قیں کی آواز ماحول سے متاثر ہوتی ہے۔تمام بطخوں کے قیں قیں کی آواز ہر علاقے میں تھوڑی مختلف ہوتی ہے۔
• بطخوں کے پر واٹر پروف ہوتے ہیں۔ حتی کہ جب بطخ پانی میں غوطہ لگاتی ہے تو اس کے پروں کا نچلا حصہ بالکل خشک ہوتا ہے۔
(جاری ہے)
• نر بطخ کی آواز مادہ بطخ کے مقابلے میں بہت ہلکی ہوتی ہے۔
• بطخ کے انڈوں سے نکلنے والے بچے انڈوں سے نکلتے ہی جس مخلوق کو دیکھتے ہیں اس کی خصوصیات اپنانے کی کوشش کرتے ہیں۔ اگر وہ پہلی بار انسان کو دیکھیں تو ان کی جبلت انہیں انسانوں کا پیچھا کرنے کا کہتی ہے اور وہ خود کو انسان سمجھتے ہوئے بڑے ہوتے ہیں۔
• بطخیں جب قطار میں سوتی ہیں تو ان میں سےا یک بطخ قطار سے باہر اس طرح سوتی ہے کہ اس کی ایک آنکھ ادھ کھلی اور دماغ بھی آدھا جاگا ہوا ہوتا ہے۔یہ بطخ آرام کے ساتھ ساتھ پہرے داری بھی کر رہی ہوتی ہے۔
• کبھی کبھار بطخ پنجروں میں ہوا کی آمد و رفت کی کمی یا خراب خوراک یا پھر صرف بوریت کی وجہ سے بھی ”بطخ خور“ بن سکتی ہیں۔
• قبل از تاریخ میں بطخ کی ایک قسم کا قد گھوڑے سے بھی اونچا ہوتا تھا۔ ڈرومونس(Dromornis) نامی اس مخلوق کا قد 3 میٹر یا 9 فٹ 8 انچ اور وزن 730 کلوگرام ہوتا تھا۔
• بطخوں کو ہر وقت روٹی، پاپ کارن یا اسی طرح کی چیزیں کھلانا ان کی صحت کے لیے متوقع طور پر نقصان دہ ہے۔
• بنگلا دیش کے کسان مرغیوں کی بجائے بطخوں کو پالنا پسند کرتے ہیں۔ اصل میں وہاں آئے دن سیلاب آجاتے ہیں۔ ایسے میں مرغیاں تو ڈوب کر مر جاتی ہیں لیکن بطخیں تیرنے کی وجہ سے بچ جاتی ہیں۔
مزید عجیب و غریب خبریں
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
-
سعودی صحرا میں پہلی بار لگژری ٹرین چلانے کی تیاری
-
پاکستانی نژاد ڈاکٹر ایپل واچ کی مدد سے دورانِ پرواز خاتون کی جان بچانے میں کامیاب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.