آئی ایس پی آر نے سانحہ اے پی ایس کے شہداء کی چوتھی برسی کے موقع پر ایک خصوصی نغمہ جاری کردیا

پیر 17 دسمبر 2018 02:00

اسلام آباد ۔ (اُردو پوائنٹ اخبارتازہ ترین - اے پی پی۔ 17 دسمبر2018ء) پاک فوج کے شعبہ تعلقات عامہ (آئی ایس پی آر) نے آرمی پبلک سکول پشاور کے دہشت گرد حملہ کی چوتھی برسی کے موقع پر شہداء کو بھرپور خراج عقیدت پیش کرنے کیلئے ایک خصوصی نغمہ جاری کردیا ہے۔ عمران رضا کے تحریر کردہ اور ساحر علی بگا کے کمپوز شدہ اس ملی نغمہ کو زائرعلی بگا نے جس کا عنوان ’’ہمیں آگے ہی جانا ہے‘‘ رکھا گیا ہے۔

(جاری ہے)

پاک فوج کے شعبہ تعلقات عامہ (آٰئی ایس پی آر) کے ڈائریکٹر جنرل میجر جنرل آصف غفور نے کہا ہے کہ ملک کے دشمن کبھی کامیاب نہیں ہوںگے کیونکہ پاکستانی بیدار قوم ہیں۔ اتوار کواپنے ٹویٹ پیغام میں ڈی جی آئی ایس پی آر نے کہا کہ غیر متزلزل عزم کے ساتھ ہی قومیں کامیابی حاصل کرتی ہیں۔ ہم کامیابی کی جانب گامزن ہیں۔اتحاد اور اتفاق کے ساتھ ہم پائیدار امن اور خوشحالی کے مقاصد حاصل کرنے میں کامیاب ہوںگے‘ ہمیں مل کر آگے بڑھنا ہے۔