وفاقی حکومت نے وزراء کی مداخلت کے پے درپے واقعات سامنے آنے کے بعد پالیسی بنانے کا فیصلہ کرلیا
وفاق، پنجاب اور خیبرپختونخواہ کے کابینہ اراکین کو پابند کیا جائے گا، کوئی بھی وزیر دوسری وزارت میں براہ راست مداخلت نہیں کرے گا ، وزراء کسی بھی وزارت سے شکایت پر تحفظات سے متعلقہ وزیر کو آگاہ کریں گے، غیر متعلقہ وزیر کسی دوسری وزارت کے ملازمین کو براہ راست حکم نہیں دے سکے گا ، شکایت کی صورت میں ازالہ متعلقہ وزیر ہی کر سکے گا، معمول کے سرکاری امور کے رابطے اس پابندی سے مستثنیٰ ہوں گے اس حوالے سے صوبائی حکومتوں کو باضابطہ نوٹیفکیشن جاری کر دیا جائیگا
پیر 17 دسمبر 2018 21:19
(جاری ہے)
ذرائع کے مطابق معمول کے سرکاری امور کے رابطے اس پابندی سے مستثنیٰ ہوں گے اور وفاقی حکومت جلد ہی اس حوالے سے صوبائی حکومتوں کو باضابطہ نوٹیفکیشن جاری کر دے گی۔
وفاقی حکومت نے نئی پالیسی کے ذریعے وفاق، پنجاب اور کے پی کے کابینہ اراکین کو پابند کرنے کا فیصلہ کر لیا ہے۔۔ذرائع کا کہنا ہے کہ وفاق، پنجاب اور خیبرپختونخوا کی کابینہ اراکین کو پابند کیے جانے کا فیصلہ سامنے آیا ہے۔ دوسری جانب وفاقی وزیر صحت عامر کیانی نے کہا ہے کہ ایم ایس بینظیر بھٹو اسپتال سے کہا ہے کہ جو بھی فیصلہ میرٹ پر ہو۔ ہم میرٹ پر فیصلہ کرنے والے افسران کے ساتھ ہوں گے۔راولپنڈی میں فوارہ چوک پر شیلٹر ہوم کے افتتاح کے موقع پر وفاقی وزیر صحت عامر کیانی نے میڈیا سے گفتگو کرتے ہوئے کہا کہ شیلٹر ہوم 23 ہزار ا ایکڑفٹ پر مشتمل ہے اور مستقبل میں ایک چار منزلہ عمارت بھی بنارہے ہیں جبکہ ڈی ایچ کیو اسپتال کے مریضوں کے تیماردار بھی یہاں پر رک سکیں گے۔انہوں نے کہا کہ شیلٹرہومز میں تمام سہولتیں دی جائیں گی جبکہ شیلٹر ہومز کی تمام ذمیداری صوبائی حکومتوں پر ہوگی۔ ان کا کہنا تھا کہ وزیر اعظم نے بینظیر بھٹو اسپتال کے واقعہ کا بھی نوٹس لیا ہے اور مجھے وزیراعظم کا فون آیا۔وفاقی وزیر نے کہا کہ میڈیا اچھی چیزوں کو سپورٹ کرے۔ دسمبر کے آخر تک دو کروڑ آبادی کو ہیلتھ کارڈ فراہم کر دئے جائیں گے۔ انہوں نے کہا کہ رنگ روڈ شہر کی سب سے اہم ضرورت ہے اور اس سے شہر بھر کی ٹریفک درست ہوگی۔ جبکہ صوبائی وزیر صحت ڈاکٹر یاسمین راشد نے وزیرقانون اورایم ایس کے درمیان ہونیوالی ٹیلیفونک گفتگوکانوٹس لیتے ہوئے وی سی راولپنڈی میڈیکل یونیورسٹی پروفیسرعمرکورپورٹ پیش کرنے کی ہدایت کردی۔ ڈاکٹر یاسمین راشد کا کہنا تھا کہ انتظامی امورمیں عدم مداخلت حکومتی پالیسی ہے،محکمہ صحت کاسٹاف مداخلت پرمجھے رپورٹ کرے،یاسمین راشدنے کہا کہ قانون کی حکمرانی ہر صورت برقرار رکھی جائے گی۔۔ یاد رہے کہ راولپنڈی کے بینظیر بھٹو اسپتال میں تعینات مسلم لیگ (ن) کے رہنما حنیف عباسی کی صاحبزادی ڈاکٹر اریبہ نے اسپتال کے میڈیکل سپرنٹنڈنٹ (ایم ایس) طارق نیازی اور پاکستان تحریک انصاف (پی ٹی آئی) پر انتقامی کارروائی کا الزام لگاتے ہوئے استعفیٰ دے دیا تھا۔اس معاملے پر وزیر قانون پنجاب راجا بشارت اور ایم ایس ڈاکٹر طارق نیازی کے درمیان ٹیلی فونک گفتگو کی مبینہ آڈیو بھی منظر عام پر آئی، جس میں راجا بشارت ایم ایس سے ڈاکٹر اریبہ کی سفارش کر رہے ہیں کہ انہیں واپس اسکن ڈپارٹمنٹ میں تعینات کیا جائے، ایسا نہ کیا تو حکومت پر انتقام کا الزام لگے گا۔اس سے قبل سابق وفاقی وزیر سائنس و ٹیکنالوجی اعظم سواتی کی مداخلت کے بعد آئی جی اسلام آباد کو عہدے سے ہٹایا گیا اور معاملہ سپریم کورٹ میں آنے کے بعد انہیں عہدہ چھوڑنا پڑا۔وزیراعلیٰ پنجاب عثمان بزدار کی مداخلت کے بعد ڈی پی او پاکپتن رضوان گوندل کا تبادلہ کیا گیا جس پر چیف جسٹس نے ازخود نوٹس لیا۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.