آئی ایم پاکستان نے سنیئر قانون دان نیئر رضوی کو ڈیموں کی تعمیر تک آئی ایم پاکستان کا سربراہ مقرر کر دیا

منگل 18 دسمبر 2018 00:40

اسلام آباد ۔ (اُردو پوائنٹ اخبارتازہ ترین - اے پی پی۔ 18 دسمبر2018ء) آئی ایم پاکستان نے سنیئر قانون دان نیئر رضوی کو ڈیموں کی تعمیر تک آئی ایم پاکستان کے صدر مقرر کر دیا، نیئر رضوی دیا میر بھاشا ڈیم اور مہمند ڈیم کی تعمیر مکمل ہونے تک آئی ایم پاکستان کی ذمہ داریاں سر انجام دیں گے۔

(جاری ہے)

آئی ایم پاکستان ورلڈ وائیڈ کی جانب سے جاری اعلامیہ کے مطابق سنیئر قانون دان نیئر رضوی دیا میر بھاشا ڈیم اور مہمند ڈیم کی تعمیر مکمل ہونے تک آئی ایم پاکستان کی ذمہ داریاں سر انجام دیں گے،صدر آئی ایم پاکستان نیئر رضوی کوآئی ایم پاکستان کی قومی سطح پر تنظیم سازی کے لیے علاقائی ،صوبائی،ضلعی اور شہری سطع پر چیئرمین،صدرو نامزد کرنے کے اختیارات بھی تفویض کر دیے گئے،علاقائی صوبائی ضلعی اور شہری سطح کی تنظیمیں ڈیموں کے عطیات اکھٹا کریں گی،ڈیمز فنڈز کی تقریبات اور لوگوں میں ڈیموں کی تعمیر بارے آگہی دینے پر پانچ بہترین میڈیا آرگنائزیشن کو کنیڈا کی پارلیمنٹ سے ایوارڈ دیے جائیں گا،نیئر رضوی صدر آئی ایم پاکستان پانچ بہترین میڈیا آرگنائزیشن کا انتخاب کریں گے۔