روس میں منعقدہ کانفرنس میں مسئلہ کشمیر کو اٹھایا،
تمام پارلیمنٹس کے مسئلہ کشمیر کے حوالے سے قراردادیں منظور کرنے کی ہماری تجویز کا اسلامی ممالک نے خیرمقدم کیاہے، افغانستان کی صورتحال پر بھی بات ہوئی، روس پاکستان کے ساتھ اقتصادی تعاون کے لئے تیار ہے قائم مقام چیئرمین سینٹ سلیم مانڈوی والا کی پارلیمنٹ ہائوس میں دورہ روس پر بریفنگ
منگل 18 دسمبر 2018 15:23
(جاری ہے)
انڈونیشیاء، ملائشیاء اور دیگر ممالک کو کشمیر کے حوالے سے پاکستانی پارلیمنٹ کی منظور کردہ قرار دادیں بھجوائیں گے۔
کانفرنس میں افغانستان کی صورتحال پر بھی بات ہوئی۔ سلیم مانڈوی والانے کہا کہ پاکستان جلد شنگھائی تعاون تنظیم کا مکمل ممبر بن جائے گا۔ 15 سال قبل روس ہم سے بات کرنے کو تیار نہیں تھا لیکن اب پاکستان اور روس کی پارلیمنٹ کے قریبی تعلقات قائم ہیں۔ سابق سپیکر قومی اسمبلی سردار ایاز صادق نے روس اور پاکستان کے درمیان پارلیمانی سفارتکاری کے فروغ کے حوالے سے اہم کردار ادا کیا۔ انہوں نے کہاکہ روس پاکستان کے ساتھ تعلقات کو مزید مستحکم بنانا چاہتا ہے جبکہ روس پاکستان کے ساتھ اقتصادی تعاون کے لئے تیار ہے۔ سلیم مانڈوی والا نے کہا کہ روس خطے میں اہم کردار ادا کرنا چاہتا ہے ہمیں اسے سنجیدگی سے لینا چاہیے۔ ہمیں مسئلہ کشمیر کے حوالے سے ہر آپشن استعمال کرناچاہیے۔ بھارت کے ساتھ ہماری تجارت کبھی بند نہیں ہوئی ۔ پاکستان نے کبھی بھی بھارت کے ساتھ مذاکرات سے انکار نہیں کیا۔ قائم مقام چیئرمین نے کہاکہ مودی حکومت کی سیاسی حکمت عملی پاکستان کے ساتھ کشیدگی میں اضافہ کا باعث بن رہی ہے۔ ایک سوال کے جواب میں سلیم مانڈوی والا نے کہاکہ ڈالر کے مقابلہ روپے کی قدر اتنی زیادہ کم کرنے کے خلا ف ہوں۔ راتوں رات روپے کی قدر میں اتنی بھاری قدر میں کمی سے لوگوں کا نقصان ہواہے۔ آئندہ روپے کی قدر میں اس طرح کی کمی سے گریز کیا جانا چاہیے۔ ایک اور سوال کے جواب میں سلیم مانڈوی والا نے کہاکہ قانونی طورپر وفاقی وزیر اطلاعات و نشریات چوہدری فواد حسین کے پارلیمنٹ میں آنے پر کوئی پابندی نہیں۔ فواد چوہدری کا چیئرمین سینیٹ سے معافی مانگنے کامطالبہ درست نہیں، ہم انہیں سمجھائیں گے کہ اس طرح کی باتیں نہ کریں۔قائم مقام چیئرمین سینیٹ نے کہا کہ نجی ٹی وی چینل سماء کے کیمرا مین پر تشدد کی مذمت کرتا ہوں۔ سکیورٹی گارڈ کے خلاف ایکشن ہونا چاہیے۔ پارلیمنٹ میں پرائیویٹ سکیورٹی گارڈ کے داخلے پر پابندی ہونی چاہیے ۔ کل کے اس واقعہ پر بہت پریشان ہوے۔ امید ہے آئندہ اس طرح کے واقعات نہیں ہوں گے۔ اس موقع پر پاکستان تحریک انصاف کے سینیٹر محسن عزیز نے کہاکہ روس پاکستان کے ساتھ قریبی تعلقات چاہتا ہے جبکہ روس نے پاکستان کے ساتھ براہ راست پروازیں شروع کرنے کی پیشرفت پر آمادگی ظاہر کی۔ انہوں نے کہاکہ روس کے ساتھ ہمارے تعلقات سرد جنگ کے باعث خراب ہوئے جو اب بحال ہوئے ہیں۔ انہوں نے کہا کہ ہمارا دورہ روس بہت کامیاب رہا۔ سینیٹر محسن عزیز نے کہا کہ جب دورے سے ہم واپس آئے تو وزیر اعظم عمران خان نے دورے کے حوالے سے پوچھا تو ہم نے کہاکہ دورے کے اخراجات ہم نے خود برداشت کئے ہیں تو وزیر اعظم نے ہمارے اس دورے کو سراہا۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.