نیشنل بینک نے ایف پی سی سی آ ئی وزیراعظم پاکستان ایوارڈ جیت لیا

منگل 18 دسمبر 2018 21:01

اسلام آباد(اُردو پوائنٹ اخبارتازہ ترین - آن لائن۔ 18 دسمبر2018ء) فیڈریشن آف پاکستان چیمبر اینڈانڈسٹری(ایف پی سی سی آئی) نے 42 ویں ایف بی سی سی آئی ایکسپورٹ ایوارڈ 2017-18 کے موقع پر بینکنگ ومالیاتی شعبہ میں نمایاں خدمات کے لئے نیشنل بینک آف پاکستان کو وزیراعظم پاکستان کے ایوارڈ سے نوازا ہے اسلام آباد کے جناح کنوینشن سنٹر میں منعقدہ ایوارڈ کے تقسیم کی تقریب کے موقع پر یہ انعام دیا گیا ہے نیشنل بینک آف پاکستان کے صدر و چیف ایگزیکٹو آفیسر طارق جمالی کو وزیراعظم پاکستان عمران خان کی جانب سے ایوارڈ پیش کیا گیا یہ ایوارڈ نیشنل بینک کی قوم کے لئے خدمات اور بزنس کمیونٹی ، صنعتی شعبہ کے لئے مالیاتی معاونت سمیت مالیاتی شعبہ کو فروغ دینے میں اہم کردار ادا کرنے پر نیشنل بینک کی کارکردگی کو سراہتے ہوئے دیا گیا ہے ۔