بھارتی محنت کرنے ،سیکھنے کے بجائے خود کو ٹیلنٹڈ سمجھتے ہیں، شاہ رخ خان

ممبئی (اُردو پوائنٹ اخبارتازہ ترین - این این آئی۔ 19 دسمبر2018ء) بالی ووڈ کنگ شاہ رخ خان نے کہا ہے کہ بھارتی محنت کرنے اور سیکھنے کے بجائے از خود یہ نتیجہ نکالتے ہیں کہ وہ ٹیلنٹڈ ہیں،چاہتا ہوں کہ میرے دونوں بچوں کو کم سے کم 3 سے 4 سال تک اداکار اور فلم پروڈکشن کی تعلیم لینی چاہیے جس کے بعد ہی وہ اداکاری کریں۔ ایک انٹرویو کے دور ان انہوں نے انکشاف کیا کہ ان کے بیٹے آرین خان کو اداکاری کے بجائے فلم پروڈکشن اور بیٹی سہانا خان کو ہدایت کاری کے بجائے اداکاری کا شوق ہے انہوں نے اداکاری کے حوالے سے بھارت بھر میں پائے جانے والے تصورات پر کھل کر بات کی ہے اور تسلیم کیا کہ بھارتی محنت کرنے اور سیکھنے کے بجائے از خود یہ نتیجہ نکالتے ہیں کہ وہ ٹیلنٹڈ ہیں۔

میڈیا رپورٹ کے مطابق اپنی آنے والی فلم ’’زیرو‘‘کی تشہیر کے دوران بات کرتے ہوئے شاہ رخ خان نے کہا کہ کہ ان کی بیٹی سہانا خان فلمی کیریئر شروع کرنے سے پہلے یہ دیکھے اور سیکھے کے اداکاری کیا ہے اور وہ کس طرح ہوتی ہی شاہ رخ خان نے کہا کہ انہوں نے بیٹی کو سکھانے اور سمجھانے کیلئے ہی اپنی فلم میں بطور اسسٹنٹ ڈائریکٹر رکھوایا تا کہ وہ وہاں کترینہ کیف اور انوشکا شرما جیسی اداکاراؤں کی پرفارمنس کو دیکھے اور سمجھے۔

(جاری ہے)

انہوں نے کہا کہ ان کی بیٹی ان دونوں اداکاراؤں سے اداکاری سیکھے اور انہیں اداکاری کرتے ہوئے براہ راست دیکھے۔اداکاری کے حوالے سے انہوںنے کہا کہ بھارتی محنت کرنے اور سیکھنے کے بجائے اس بات پر فخر کرتے ہیں کہ وہ قدرتی طور پر ٹیلنٹڈ ہیں۔شاہ رخ خان نے مثال دی کہ اداکاری بالکل اسی طرح ہے جس طرح کوئی بھی ڈرائیور گاڑی چلانا سیکھتے ہی فارمولا ون ریس کا ڈرائیور نہیں بن سکتا۔شاہ رخ خان نے کہا کہ جس طرح فارمولا ون ریس کی ڈرائیونگ کی تربیت لینی پڑتی ہے، اسی طرح اداکاری کی بھی تربیت لی جاتی ہے اور وہ چاہتے ہیں کہ ان کی بیٹی اداکارہ بننے سے قبل اس طرح تربیت لے۔