وفاقی وزیر آبی وسائل فیصل واوڈا سے جرمن سفیر کی ملاقات ،ْ آبی وسائل اور ممکنہ حل سمیت دوطرفہ تعاون پر گفتگو

بدھ 19 دسمبر 2018 19:09

اسلام آباد (اُردو پوائنٹ اخبارتازہ ترین - این این آئی۔ 19 دسمبر2018ء) وفاقی وزیر آبی وسائل فیصل واوڈا نے کہاہے کہ پانی کے مسئلے کو ترجیحی بنیادوں پر حل کیا جا رہا ہے، مسائل کے حل کیلئے عالمی سطح پر آواز بلند کر رہے ہیں، جرمن سفر نے تعاون کی یقین دہانی اور مثبت جواب دیا ہے۔ بدھ کو وفاقی وزری آبی وسائل فیصل واوڈا سے جرمن سفیر مارٹن کوبلر نے ملاقات کی۔

(جاری ہے)

ملاقات میں آبی وسائل اور ممکنہ حل سمیت دوطرفہ تعاون پر بات چیت کی گئی، اس کے علاوہ آبی وسائل کے حل کیلئے کراس بارڈر فنڈنگ پر تبادلہ خیال کیا گیا۔ ملاقات میں جرمن سفیر نے پاکستان کے ساتھ آبی معاملات پر تعاون بڑھانے کا وعدہ کیا۔ ملاقات میں چینی سفارتخانے کے اعلیٰ حکام بھی موجود تھے۔ فیصل واوڈا نے کہا کہ مسائل کے حل کیلئے عالمی سطح پر آواز بلند کر رہے ہیں، جرمن سفر نے تعاون کی یقین دہانی اور مثبت جواب دیا ہے، پانی کے مسئلے کو ترجیحی بنیادوں پر حل کیا جا رہا ہے۔