مراد علی شاہ کا نام ای سی ایل میں ڈال کر تماشہ کیاگیا، قمر زمان کائرہ

جے آئی ٹی رپورٹ کا مقصدر آصف علی زرداری کاگھیرائو کرنا ہے،لاہور میں پریس کانفرنس

بدھ 2 جنوری 2019 23:35

مراد علی شاہ کا نام ای سی ایل میں ڈال کر تماشہ کیاگیا، قمر زمان کائرہ

لاہور (اُردو پوائنٹ اخبارتازہ ترین - آن لائن۔ 02 جنوری2019ء) پیپلز پارٹی کے رہنما قمر زمان کائرہ نے کہا ہے کہ وزیراعلیٰ سندھ مراد علی شاہ کا نام ای سی ایل میں ڈال کر تماشاکیا گیا، جے آئی ٹی رپورٹ کا مقصدر آصف علی زرداری کاگھیرائو کرنا ہے۔

(جاری ہے)

لاہور میں پریس کانفرنس کرتے ہوئے قمر زمان کائرہ نے کہا کہ سپریم کورٹ نے جے آئی ٹی جعلی اکاونٹس چیک کرنے کے لئے بنائی تھی لیکن اس کی رپورٹ یکطرفہ ہے، جے آئی ٹی رپورٹ پر پیپلز پارٹی کا موقف نہیں لیا گیا، اس ساری رپورٹ کا مقصد آصف زرداری کا گھیراو کرنا ہے، پیپلز پارٹی جے آئی ٹی رپورٹ اور رویے کی مذمت کرتی ہے۔

انہوں نے کہا کہ مراد علی شاہ کا نام ای سی ایل میں ڈال کر تماشا کیا گیا، جے آئی ٹی نے وزیر اعلیٰ سندھ سے سوال نہیں کیا لیکن ان کا نام ای سی ایل میں ڈال دیا گیاہے۔