سمیع الحق قتل کیس ،ْ مولانا کا ڈرائیور پولی گرافی ٹیسٹ میں جھوٹ بولتا رہا

جمعرات 3 جنوری 2019 23:20

لاہور(اُردو پوائنٹ اخبارتازہ ترین - این این آئی۔ 03 جنوری2019ء) جے یو آئی (س) کے سربراہ مولانا سمیع الحق کے قتل میں اہم پیشرفت ہوئی ہے۔ذرائع کے مطابق فورنزک سائنس ایجنسی میں مولانا سمیع الحق کے ڈرائیور احمد شاہ کا پولی گرافی ٹیسٹ کیا گیا جس میں احمد شاہ جھوٹ بولتا رہا۔

(جاری ہے)

ذرائع نے بتایا کہ ڈرائیور احمد شاہ سے 2 سوال کیے گئے، کیا وہ قتل کرنے والوں کو جانتا ہی ڈرائیور سے دوسرے سوال میں پوچھا گیا کہ کیا وہ قتل کی منصوبہ بندی میں شامل رہا ذرائع کے مطابق فورنزک سائنس ایجنسی نے 9 دیگر افراد کے بھی ڈی این اے اور پولی گرافی ٹیسٹ کیے جس میں 3 افراد کے ڈی این اے کمرے سے ملنے والے ڈی این اے سے میچ کرگئے ہیں۔

ذرائع نے بتایا کہ تینوں افراد نے پولی گرافی ٹیسٹ میں سچ بولا اور ان کا قتل سے تعلق نہیں نکلا۔واضح رہے کہ مولانا سمیع الحق کو 2 نومبر کو راولپنڈی میں ان کی رہائش گاہ پر چھریوں کے وار کرکے قتل کردیا گیا تھا۔