جے آئی ٹی کی رپورٹ صرف ایک اطلاعی رپورٹ ہے کوئی آسمانی صحیفہ نہیں ،ْ لطیف کھوسہ

جے آئی ٹی کی رپورٹ کے بعد یہ سندھ حکومت پر چڑھ دوڑے تھے ،ْ میڈیا سے گفتگو

پیر 7 جنوری 2019 13:44

جے آئی ٹی کی رپورٹ صرف ایک اطلاعی رپورٹ ہے کوئی آسمانی صحیفہ نہیں ..

اسلام آباد (اُردو پوائنٹ اخبارتازہ ترین - این این آئی۔ 07 جنوری2019ء) پاکستان پیپلز پارٹی کے رہنما اور آصف زرداری کے وکیل لطیف کھوسہ نے کہاہے کہ جے آئی ٹی کی رپورٹ صرف ایک اطلاعی رپورٹ ہے کوئی آسمانی صحیفہ نہیں۔سپریم کورٹ آف پاکستان میں جعلی بینک اکائونٹس کیس کی سماعت کے بعد میڈیا سے گفتگو کرتے ہوئے انہوں نے کہا کہ جعلی اکائونٹس کیس میں جے آئی ٹی کی رپورٹ پر ہم نے جوابات جمع کرائے۔

(جاری ہے)

لطیف کھوسہ نے کہا کہ ہم نے عدالت کو بتایا کہ اس کیس کی وجہ سے ملک بحران میں آگیا ،ْ جے آئی ٹی نے 172 افراد کے نام ای سی ایل میں ڈالے جس کا ان کو اختیار نہیں تھا۔ان کا کہنا ہے کہ جے آئی ٹی کی رپورٹ کے بعد یہ سندھ حکومت پر چڑھ دوڑے تھے تاہم بلاول بھٹو زرداری اور وزیراعلیٰ سندھ مراد علی شاہ کا نام ای سی ایل اور جے آئی ٹی رپورٹ سے نکالنے کا حکم دیا ہے۔لطیف کھوسہ نے کہا کہ وزیراعلیٰ سندھ کو جے آئی ٹی نے ایک مرتبہ بھی بیان کے لیے نہیں بلایا تھا، نیب اسی طرح کہے گا جیسے ایف آئی آئی نے اصغر خان کیس میں کہا کہ ان کے خلاف کیسز نہیں بنتے۔