نئی کمپنی حاملہ خاتون کو بچےکی پیدائش کے لیے خلا میں لے جائے گی
امین اکبر منگل 8 جنوری 2019 23:51
نیدرلینڈ کی ایک کمپنی سپس لائف اوریجن پہلے غیر ارضی بچے کی پیدائش کے حوالے سے سائنسی تاریخ میں اپنا نام رقم کرنے اور تحقیق کے لیے حاملہ خاتون کو زمین سے 250 میل کی بلندی پر لے جانا چاہتی ہے ۔
کمپنی کا کہنا ہے کہ مستقبل میں انسانی بقا کے لیے ہمیں زمین کو چھوڑنا ہی ہوگا، ایسے میں ضروری ہے کہ پہلے زمین سے باہر خلا میں نئی زندگی کے شروع ہونے کے بارے میں معلوم ہو۔
کمپنی کے ایک ایگزیکٹیو اجبرٹ اڈیلبرویک کا کہنا ہے کہ خلا میں بچے کی پیدائش کا علم انسانی نسل کی انشورنش پالیسی ہے۔ انہوں نے کہا کہ اگر ہم زمین سے دور کوئی قابل سکونت جگہ دریافت کر لیتے ہیں یا تعمیر کر لیتے ہیں تو بھی ہمیں اپنی بقا کے لیےخلا میں پیدائش کا علم ہونا چاہیے، اسی کے لیے سپیس لائف اوریجن اگلے پانچ سالوں تک کئی تجربات کرے گی۔
(جاری ہے)
ماہرین کا کہنا ہے کہ اگر حاملہ خواتین کو خلا میں لے جانے کا بندوبست ہو جائے تو یہ تجربہ انتہائی تباہ کن ہو سکتا ہے، سفری خطرات کے علاوہ اس میں ماں اور بچے دونوں کی زندگی کو خطرہ لاحق ہو سکتا ہے۔
خلابازوں کا کہنا ہے کہ راکٹ کے مدار میں گردش کرتے ہوئےان پر تین گنا کشش ثقل اثر انداز ہوتی ہے، جس کا ماں اور بچے پر نہ جانے کیا اثر ہو۔
اگرچہ خلا میں انسانی بچے کی پیدائش کا اب تک کوئی تجربہ نہیں کیا جا سکا لیکن خلا میں چوہے، مچھلیاں، چھپکلیاں اور غیر فقاری جانوروں کی پیدائش کے تجربات ہو چکے ہیں۔
1990 کی دہائی میں امریکی خلائی شٹل مشن میں چوہے کے بچوں کی پیدائش کے بعد خلابازوں نے دیکھا بچوں میں توازن کی حس اور کان کا اندرونی ڈھانچہ، جو ممالیہ کو توازن برقرار رکھنے اور سیدھا رہنے میں مدد دیتا ہے، نامکمل تھے۔ چوہے کہ بچے کچھ دیر بعد ٹھیک ہو گئے تھے لیکن سائنسدانوں نے نتیجہ اخذ کیا کہ انسانی بچے کی پیدائش کے لیے کشش ثقل بے حد ضروری ہے۔
سپیس لائف اوریجن کا ماننا ہے کہ ان کے منصوبے میں بہت سی چیزیں نامعلوم ہیں لیکن وہ انہیں نامعلوم چیزوں کو تلاش کرنا چاہتے ہیں۔
متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.