ترقی کا راز اور لوگوں کو غربت سے نکالنے کا بہترین طریقہ میعاری تعلیم اور صحت کی سہولیات کی فراہمی میں پوشیدہ ہے،

طلبہ اور جامعات مصنوعی زہانت کے شعبہ پر عبور حاصل کرنے پر توجہ دیں صدر مملکت ڈاکٹر عارف علوی کی بلتستان یونیورسٹی کے طلبہ کے وفد سے گفتگو

جمعرات 10 جنوری 2019 13:31

ترقی کا راز اور لوگوں کو غربت سے نکالنے کا بہترین طریقہ میعاری تعلیم ..

اسلام آباد (اُردو پوائنٹ اخبارتازہ ترین - اے پی پی۔ 10 جنوری2019ء) صدر مملکت ڈاکٹر عارف علوی نے کہا ہے کہ پاکستان کی ترقی کا راز میعاری تعلیم اور صحت کی سہولیات کی فراہمی میں پوشیدہ ہے اور لوگوں کو غربت سے نکالنے کا بہترین طریقہ بھی یہی ہے ۔انہوں نے یہ بات بلتستان یونیورسٹی کے طالبعلموں کے وفد سے گفتگو کرتے ہوئے کہی۔ جس میں جمعرات کو ایوان صدر میں ان سے ملاقات کی۔

(جاری ہے)

صدر نے طلباء کا خیر مقدم کرتے ہوئے کہا کہ گلگت بلتستان خوبصورت اور اہم ترین علاقہ ہے۔جامعات طلبہ کو نئے ابھرنے والے مواقع سے فائدہ اٹھانے کے قابل بنائیں۔ انہوں نے کہا کہ مصنوعی ذہانت وقت کی اہم ترین ضرورت ہے۔طلبہ اور جامعات اس پر عبور حاصل کرنے پر توجہ دیں۔انہوں نے کہا کہ کراچی میں صدارتی اقدام برائے مصنوعی ذہانت کا اجراء کردیا گیا ہے۔اسے جلد دوسرے شہروں میں بھی شروع کیا جائے گا۔ انہوں نے کہا کہ اگلے پانچ سال میں اس شعبے کی برآمدات کو کئی گنا بڑھایا جاسکتا ہے۔