اصغر خان کا خاندان کیس کا حتمی انجام چاہتا ہے ،ْ سپریم کورٹ میں جواب جمع

صغر خان کیس میں ایف آئی اے انکوائری ختم نہیں ہونی چاہیے، لواحقین

جمعرات 10 جنوری 2019 15:50

اسلام آباد (اُردو پوائنٹ اخبارتازہ ترین - این این آئی۔ 10 جنوری2019ء) ایئر مارشل اصغرخان کے لواحقین نے ایف آئی اے کی جانب سے اصغرخان کیس میں انکوائری ختم کرنے کی سفارش مسترد کرتے ہوئے کہا ہے کہ اصغر خان کا خاندان کیس کا حتمی انجام چاہتا ہے۔ جمعرات کو اصغر خان کے لواحقین کی جانب سے ان کے وکیل سلمان اکرم راجا نے سپریم کورٹ میں جواب جمع کرادیا۔

(جاری ہے)

اصغر خان کی اہلیہ، صاحبزادے علی اصغر، نسرین خٹک اور شیریں اعوان نے مشترکہ جواب میں کہا کہ ایف آئی اے کی جانب سے اصغر خان کیس کی انکوائری ختم کرنے کی سفارش کو مسترد کرتے ہیں۔اصغر خان کے لواحقین نے کہا کہ اصغر خان کیس میں ایف آئی اے انکوائری ختم نہیں ہونی چاہیے، اصغر خان کا خاندان کیس کا حتمی انجام چاہتا ہے۔کیس کے ٹرائل کے بعد آنے والا نتیجہ پاکستان کی عوام کے سامنے رکھا جائے۔یاد رہے کہ ایف آئی اے نے اصغر خان کیس کو بند کرنے کی سفارش کی تھی جس کے بعد سپریم کورٹ نے اصغر خان کے لواحقین کو کیس کی پیروی کرنے یا نہ کرنے سے متعلق جواب جمع کرانے کیلئے 31 دسمبر کو نوٹسز جاری کیے تھے۔