پاکستان کی تاریخ کی سب سے بڑی سرمایہ کاری ڈوبنے کا خدشہ
پاکستانیوں کے اربوں ڈالر دائو پر لگ گئے، اوورسیز پاکستانیوں کی جانب سے ٹویٹر پر ’اپیل ٹو چیف جسٹس ثاقب نثار‘ ٹاپ ٹرینڈ بن گیا
محمد علی جمعہ 11 جنوری 2019 18:34
(جاری ہے)
تفصیلات کے مطابق آج بحریہ ٹائون کراچی کے متاثرین اوورسیز پاکستانیوں کی جانب سے ٹویٹر پر’ اپیل ٹو چیف جسٹس ثاقب نثار ‘ٹاپ ٹرینڈ بن گیا۔سیکڑوں اوورسیز پاکستانی اپنے ٹویٹس میں سپریم کورٹ ، چیف جسٹس ثاقب نثارسے اپیل کرتے رہے کہ ’خدا را!ان کی سرمایہ کاری کوڈوبنے سے بچایا جائےاور بحریہ ٹائون کراچی کیس کا جلد سے جلد فیصلہ کر دیں۔اوورسیز پاکستانیوں نے کہا بحریہ ٹاؤن کراچی 2013ء میں لانچ ہوا، تقریباً دو لاکھ پاکستانیوں نے اپنی زندگی بھر کی جمع پونجی اس پراجیکٹ میں انویسٹ کی۔ لاکھوں پاکستانیوں اوربیرون ملک مقیم اوورسیزنے بحریہ ٹاؤن کراچی میں پلاٹس بک کروائے اور پانچ سال تک باقاعدگی سے اپنی اقساط جمع کرواتے رہے۔
2013ء میں جس وقت بکنگ شروع ہوئی تو بحریہ ٹاؤن کراچی کے پاس باقاعدہ این او سی تھا اور تمام اخبارات اور ٹی وی چینلز اس کے اشتہارات چلاتے رہے۔ کسی حکومتی ادارے نے اس وقت اس پر کوئی اعتراض نہیں کیا اور نہ ہی عوام کو انتباہ کیا گیا۔اس وقت ان کے سامنے کسی بھی قسم کوئی رکاوٹ نہیں تھی ، کوئی عدالتی حکم نہیں تھا اور نہ ہی کسی سرکاری ادارے کی جانب سے کوئی تنبیہہ سامنے آئی اور نہ ہی کسی قسم کا کوئی سرکاری اعلان یا اطلاع تھی کہ یہاں پر معاملات شفاف نہیں اور زمینوں کا لین دین ستھرا نہیں ، کوئی بھی اس حوالے سے اعلان یا روک ٹوک حکومتی یا سرکاری سطح پر سامنے آئی اورہزاروں اوورسیز پاکستانیوں نے امریکہ ، برطانیہ، یورپ ، آسٹریلیا اور مڈل ایسٹ سے اپنی زندگی بھر کی جمع پونجی اس پراجیکٹ میں انویسٹ کر دی، اوورسیز پاکستانیوں نے جی بھر کے بحریہ ٹائون میں سرمایہ کاری کی ،جب بیرون ملک مقیم پاکستانی اپنی زندگی بھرکی جمع پونجی کےاربوں ڈالر بحریہ ٹائون کراچی میں لگا چکےتواچانک حالات انتہائی دگرگوں ہوگئے اور بحریہ ٹائون کراچی کے معاملات عدالتی سماعت اور قانونی پیچیدگیوں کی وجہ سے پھنس گئے جس کی وجہ سےپراپرٹی کی قیمتیں بہت زیادہ گر گئیںاور سیل پرچیز رک گئی، اب بحریہ ٹائون کراچی کا مستقبل غیر یقینی صورتحال کا شکار ہے اور یہی وجہ ہے کہ جس نے اوورسیز پاکستانیوں میں ایک وسوسہ پیدا کر دیا ہے کہ ان کی سرمایہ کاری کا کیا بنے گا ؟
سوشل میڈیا پر اوورسیز پاکستانیوں کا اپنے سیکڑوں ویڈیو پیغامات میں کہنا ہے کہ جب بھی پاکستان کو ضرورت پڑی، اوورسیز پاکستانیوں نے اس کیلئے بھرپور کردار ادا کیا ہے۔ اب انہوں نے یہاں اپنی 20سے 25سال کی جمع پونجی باقاعدہ ٹیکس ادا کر کے بینکنگ چینل کے ذریعے بحریہ ٹائون میں سرمایہ کاری کیلئے بھیجی مگر اب وہاں سے ایسی اطلاعات آرہی ہیں جنہوں نے انہیں پریشان کر دیا ہے۔ وزیراعظم پاکستان عمران خان اور سپریم کورٹ آف پاکستان مہربانی کر کے معاملات حل کریں اور چیف جسٹس ثاقب نثار اپنی ریٹائرمنٹ سے پہلے اس کیس کا فیصلہ کر کے لاکھوں پاکستانیوں کی زندگی بھر کی جمع پونجی ڈوبنے سے بچائیں۔
مزید اہم خبریں
-
امریکی کانگریس نے مقبول سوشل میڈیا ایپ ”ٹک ٹاک“ پر مشروط پابندی کا بل بھاری اکثریت سے منظور کرلیا
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
تحریک انصاف کی رہنماءیاسمین راشد نے چیف جسٹس کو خط لکھ دیا
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
عمران خان کی رہائی کسی ڈیل کا حصہ نہیں ہوگی، علی محمد خان
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.