حکومت ای سی ایل سے نام نکالنے کے عدالتی حکم کی منتظر ہے

وزیر اعظم کے معاون خصوصی برائے احتساب مرزا شہزاد اکبر کی نجی نیوز چینل سے بات چیت

ہفتہ 12 جنوری 2019 02:20

حکومت ای سی ایل سے نام نکالنے کے عدالتی حکم کی منتظر ہے

اسلام آباد ۔ (اُردو پوائنٹ اخبارتازہ ترین - اے پی پی۔ 12 جنوری2019ء) وزیر اعظم کے معاون خصوصی برائے احتساب مرزا شہزاد اکبر نے کہا ہے کہ وفاقی کابینہ نے فیصلہ کیا ہے کہ جب تک سپریم کورٹ کا تحریر ی حکم نہیں ملتا اس وقت تک وزیر اعلی سندھ مراد علی شاہ، چیئرمین بلا ول بھٹو اور آصف علی زرداری کا نام ای سی ایل میں رہے گا ۔

(جاری ہے)

انہوں نے جمعہ کو ایک نجی نیوز چینل سے بات چیت کرتے ہوئے کہا کہ پاکستان تحریک انصاف کی حکومت سپریم کورٹ کا حکومت کے حق میں یا اس کے خلاف جو بھی فیصلہ آیا اس پر عملدرآمد کرے گی ۔

انہوں نے کہا کہ ان سیاستدانوں کے نام منی لانڈرنگ نیٹ ورکس اور جعلی بینک اکاؤنٹس میں ان کے ملوث ہونے کی رپورٹ دیکھنے کے بعد ای سی سی میں ڈالے گئے انہوں نے مزید کہا کہ مشترکہ تحقیقاتی ٹیم نے اپنی رپورٹ میں یہ نام ای سی ایل میں ڈالنے کی سفارش کی تھی ۔