پولیو جیسی خطرناک بیماری کے خاتمہ کیلئے علماء کردار ادا کریں،ڈسٹرکٹ ہیلتھ آفیسر پشین

ہفتہ 12 جنوری 2019 14:32

پشین (اُردو پوائنٹ اخبارتازہ ترین - اے پی پی۔ 12 جنوری2019ء) ڈسٹرکٹ ہیلتھ آفیسر پشین ڈاکٹر احمد زمان جمالی نے علماء کرام اور مذہبی رہنماوں پر زوردیا ہے کہ وہ پولیو جیسی خطرناک اور متعدی بیماری کو جڑ سے اکھاڑ پھینکنے کیلئے میدان میں آکر آپنی آئندہ نسلوں کو اس موذی مرض سے نجات دلائیں۔

(جاری ہے)

وہ تحصیل حرمزئی میں علماء کے ایک سیمینار سے خطاب کررہے تھے، جس سے اسسٹنٹ کمشنر حرمزئی محمدنعیم عمرانی، سی بی وی منیجر پشین حاجی عمران خان کاکڑ، جمیعت علماء اسلام تحصیل حرمزئی کے آمیر مولانا عبدالکریم، جنرل سیکرٹری مولانا محمد زکریا، مولانا عبدالحنان، مولانا عبدالغفور خادم، عزیزاللہ کاکڑ، مولانا احسان اللہ، اصغر خان اور بخت جمال نے بھی خطاب کیا۔

ڈسٹرکٹ ھیلتھ آفیسر پشین نے کہا کہ علماء کرام معاشرے کیلئے ایک روشن چراغ کی مانند ہے، جن کی کوششوں سے معاشرے کو صحیح سمت رہنمائی مل سکتی ہے، صحت جیسے بنیادی مسلہ میں علماء کرام کا انتہائی اہم کردار ہے۔