پاکستان پیپلز پارٹی کا وزیراعظم سمیت اہم حکومتی شخصیات کے نام ای سی ایل پر ڈلوانے کیلئے عدالت جانے کا فیصلہ

ہفتہ جنوری 18:53

پاکستان پیپلز پارٹی کا وزیراعظم سمیت اہم حکومتی شخصیات کے نام ای سی ..
اسلام آباد (اُردو پوائنٹ اخبارتازہ ترین۔ 12 جنوری2019ء) پاکستان پیپلز پارٹی نے وزیراعظم سمیت اہم حکومتی شخصیات کے نام ای سی ایل پر ڈلوانے کیلئے عدالت جانے کا فیصلہ کر لیا۔ذرائع کے مطابق پاکستان پیپلزپارٹی نے وفاقی وزارت داخلہ کو یاد دہانی کیلئے دوبارہ خط لکھ دیا۔

(جاری ہے)

ایک ہفتہ انتظار کے بعد پی پی پی حکومتی شخصیات کے خلاف عدالت کا دروازہ کھٹکھٹائے گی۔پی پی وزیراعظم عمران خان، وزیراعلیٰ خیبرپختونخواہ، وفاقی وزرا پرویز خٹک، فہمیدہ مرزا، خالد مقبول صدیقی، پنجاب کے وزیر علیم خان اور جہانگیر ترین کے نام ای سی ایل پر ڈالنے کا مطالبہ کر چکی ہے۔