چیف جسٹس کی سربراہی میں بنچ کی یونیورسٹیز کی قانونی حیثیت سے متعلق کیس کی سماعت

ہفتہ 12 جنوری 2019 23:34

لاہور۔12 جنوری(اُردو پوائنٹ اخبارتازہ ترین - اے پی پی۔ 12 جنوری2019ء) چیف جسٹس پاکستان کی سربراہی میں دو رکنی بنچ نے یونیورسٹیز کی قانونی حیثیت سے متعلق کیس کی سماعت کی۔

(جاری ہے)

صوبائی وزیر صحت ڈاکٹر یاسمین راشد عدالت کے روبرو پیش ہوئیں اور چیف جسٹس پاکستان سے کہا کہ عدالتی ریمارکس پر اپوزیشن ان سے استعفے کا مطالبہ کر رہی ہے جس پر چیف جسٹس نے ریمارکس دئیے کہ ہم آپکو استعفی نہیں دینے دیں گے آپ اپنا کام ایمانداری سے کرتی رہیں۔

چیف جسٹس نے مزید کہا کہ گھبرانے کی کوئی ضرورت نہیں آپ ہمارے لیے بہت قابل احترام ہیں، چیف جسٹس نے قرار دیا کہ آپ کا پورا کیرئیر بے داغ ہے، چیف جسٹس نے ڈاکٹر یاسمین راشد سے مکالمہ کے دوران مزید کہا کہ ہمارے خلاف بھی مہم چلائی جاتی ہیں ایسے واٹس ایپ میسج موجود ہیں، کیا ان حالات میں کام کرنا چھوڑ دیں، چیف جسٹس نے استفسار کیا کہ کس نے آپکے خلاف یہ مہم شروع کی ہے۔