Live Updates

علیمہ کی جائیداد کا عمران خان یا شوکت خانم سےتعلق نہیں،ہارون الرشید

عمران خان کوخاندان یا دوستوں کسی سے دلچسپی نہیں ، وہ صرف اپنی ذات کے گنبد میں گم ہیں، اپنے دوست شاہد مسعود کی خریت دریافت نہیں، کوئی قانونی مدد نہ سہی،حال ہی پوچھ لیتا، چلا جاتا، کسی سے کھانا ہی بھجوادیتا،لہذااس کوعلیمہ یا کسی کی پروانہیں۔سینئر تجزیہ کارہارون الرشید کا تبصرہ

Sanaullah Nagra ثنااللہ ناگرہ اتوار 13 جنوری 2019 18:52

علیمہ کی جائیداد کا عمران خان یا شوکت خانم سےتعلق نہیں،ہارون الرشید
لاہور(اردوپوائنٹ اخبارتازہ ترین۔13 جنوری2019ء) سینئر تجزیہ کار ہارون الرشید نے کہا ہے کہ عمران خان کوخاندان یا دوستوں کسی سے دلچسپی نہیں ، وہ صرف اپنی ذات میں گم ہیں، اپنے دوست شاہد مسعود کی خریت دریافت نہیں، کوئی قانونی مدد نہ سہی، حال ہی پوچھ لیتا، چلا جاتا، کسی سے کھانا ہی بھجوا دیتا، لہذا اس کوعلیمہ یا کسی کی پروانہیں۔انہوں نے نجی ٹی وی کے پروگرام میں علیمہ خان کی جائیداد بارے تبصرہ کرتے ہوئے کہا کہ علیمہ خان کی جائیداد سے شوکت خانم کا کوئی تعلق نہیں ہے۔

علیمہ خان نے جائیداد کا ٹیکس دیا ہے۔ اس نے جس طرح پیسا کمایا جیسے کمایا اس کی منی ٹریل دینی چاہیے۔اپنے اثاثے ڈکلیئر اس کوکرنے چاہئے تھے۔اب قانون کی جہاں بھی خلاف ورزی ہورہی ہے۔اس بارے ایف بی آر، نیب اور دوسرے اداروں کو نوٹس لینا چاہیے۔

(جاری ہے)

انہوں نے کہا کہ میں اب بتانا نہیں چاہتا کہ کئی ایسے بھی صحافی ہیں جن کی لندن اور واشنگٹن میں جائیدادیں ہیں۔

شوکت خانم اسپتال کی تمام عطیات کی کمائی مریضوں پر لگائی جاتی ہے۔ انہوں نے کہا کہ عمران خان کے حالات توآپ دیکھ ہی رہے ہیں کہ ان کواپنے خاندان سے کتنی دلچسپی ہے۔ انہیں کسی سے کوئی دلچسپی نہیں ہے وہ اپنی ذات کے گنبد میں گم ہیں۔ انہیں خاندان یا دوستوں کسی سے دلچسپی نہیں ہے۔ دوست اس کے کام آئیں لیکن اگر کسی دوست کو کام آن پڑے، جیسے شاہد مسعود کا کیا حال ہورہا ہے۔

وہ شاہد مسعود کی کوئی قانونی مدد نہیں کرسکتا۔ قانونی مدد نہیں کرسکتا تھا توٹھیک اس کا حال ہی پوچھنے چلا جاتا، کسی کوبھیج دیتا، کھانا ہی بھجوادیتا۔ ہارون الرشید نے کہا کہ علیمہ خان کا بڑا اچھا بزنس تھا، ٹیکسٹائل فرم کی نمائندہ تھیں۔ فرم 100کمپنیزکو مال سپلائی کرتی تھی۔45کروڑ روپے جائز طریقے سے کمانا ممکن ہے۔ لیکن میں یہ نہیں کہتا کہ تحقیقات نہ ہوں۔ شوکت خانم اور نمل یونیورسٹی کا پیسا اس میں شامل نہیں ہے۔ نمل یونیورسٹی میں عمران خان نے 30لاکھ دیے اس سے قبل ان کے والد مرحوم نے 40لاکھ روپے دیے تھے۔لہذا شوکت خانم اور نمل یونیورسٹی کا پیسا نہیں ،ادارے پیسے لیتے ہیں دیتے نہیں،ان کا آڈٹ بڑے ادارے کرتے ہیں۔
Live عمران خان سے متعلق تازہ ترین معلومات