بھارت سے اس سال 2340 خواتین بغیر محرم کے حج پر جائیں گی،نام قرعہ اندازی میں شامل کئے بغیر منظور

پیر 14 جنوری 2019 12:49

نئی دہلی(اُردو پوائنٹ اخبارتازہ ترین - اے پی پی۔ 14 جنوری2019ء) بھارت سے اس سال حج کے لئے 2340 خواتین بغیر محرم کے سعودی عرب جائیں گی۔بھارتی سنٹرل حج کمیٹی کے مطابق بغیر محرم حج کے لئے جانے والی خواتین کی تعداد گزشتہ سال سے دوگنا ہو گئی ہے اور ان تمام خواتین کی درخواستیں قرعہ اندازی میں شامل کئے بغیر منظور کر لی گئی ہیں۔

(جاری ہے)

سنٹرل حج کمیٹی کے چیف ایگزیکیٹیو آفیسر ڈاکٹر مقصود احمد خان کے مطابق بغیر محرم کے حج پر جانے والی خواتین کو خصوصی طور سہولیات فراہم کرنے کے علاوہ ان کو سیکیورٹی اور خادمائوں کی سہولت بھی میسر ہو گی۔

انھوں نے بتایا کہ گزشتہ سال بھارت سی1300خواتین کو بغیر محرم حج پر بھجوایا گیا تھا اور امسال ان کی یہ تعداد تقریباً دوگنا ہوگئی ہے۔خیال رہے کہ سعودی حکومت کی حج پالیسی کے تحت 45 سال کی عمر سے زیادہ خواتین کو بغیر محرم کے حج و عمرہ کرنے کی اجازت ہے،ان خواتین کو گروپس کی شکل میں بھجوایا جاتا ہے۔