پنجاب اسمبلی کی تاریخ میں پہلی مرتبہ کسی گرفتار رکن اسمبلی کی اجلاس میں شرکت کیلئے سپیکر کی جانب سے پروڈکشن آڈر جاری کیا گیا
نیب کی جانب سے پروڈکشن آڈر کی تعمیل کرتے ہوئے سلمان رفیق کو پنجاب اسمبلی لاکر سارجنٹ ایٹ آرمز کے حوالے کیا گیا تین ماہ تک حلف نہ اٹھانے پر اسمبلی رکنیت ختم کرنے ،پاک فوج کی جانب سے بھارتی ڈرون گرانے کے حق میں قراردادیں منظور مسلم لیگ(ن) پر آزمائش کا وقت ،حکومت میںآنے کی کوئی باریاں نہیں ہوتیں لیکن جانے کی ہوتی ہیں‘ خواجہ سلمان رفیق ایک نیشنل روڈ میپ ہونا چاہیے،میرے پروڈکشن آرڈر جاری ہونا اسمبلی کی جیت ہے‘میڈیا سے گفتگو اور ایوان میں خطاب آج عمران خان ،پرویز الٰہی اور عثمان بزدار زندہ باد کانعرہ بھی لگایاجاتاتو اچھا ہوتا،پرویز الٰہی کی سپیکر شپ میں اسمبلی نے مثبت کرداراداکیا‘ وزیر قانون
منگل 15 جنوری 2019 21:53
(جاری ہے)
اسمبلی کے ایجنڈے پر خوراک اور اوقاف ومذہبی امور کے محکموں سے متعلق سوالوں کے جوابات دئیے گئے ۔اجلاس کے آغاز میں مسلم لیگ (ن) کے ارکان نے گرفتار رکن اسمبلی خواجہ سلمان رفیق کے پروڈکشن آڈر جاری کرنے کی درخواست دی جس کے کچھ دیر بعد سپیکر نے سلمان رفیق کے پروڈکشن آڈر جاری کردئیے۔
خواجہ سلمان رفیق کے پروڈکشن جاری کرنے پر مسلم لیگ (ن) کے سینئر رہنما ملک ندیم کامران نے سپیکر پنجاب اسمبلی کا شکریہ ادا کیا ۔ نیب کی جانب سے پروڈکشن آڈر کی تعمیل کرتے ہوئے سلمان رفیق کو پنجاب اسمبلی لایا گیا او رسارجنٹ ایٹ آرمز کے حوالے کیا گیا ۔ سلمان رفیق کی آمد پر لیگی اراکین اسمبلی نے ان کا پرتپاک استقبال کیا ۔ انہیں پھولوں کے ہار پہنائے اور پھولوں کی پتیاں نچھاور کی گئیں جبکہ اس موقع پر اپنی قیادت کے حق میں نعرے بھی لگائے گئے ۔اسمبلی آمد پر خواجہ سلمان رفیق نے گفتگو کرتے ہوئے کہا کہ پروڈکشن آڈر جاری کرنے پر سپیکر کا شکر گزار ہوں۔ مسلم لیگ(ن) پر آزمائش کا وقت ہے ،واضح نظر آرہا ہے کہ اسے نشانہ بنایاجارہاہے ، حکومت میںآنے کی کوئی باریاں نہیں ہوتیں لیکن جانے کی ہوتی ہیں،میں نہیں چاہتا تحریک انصاف خدانخواستہ اس صورتحال کا شکار ہو۔ خواجہ سلمان رفیق کی ایوان میں آمد کے موقع پر لیگی کارکنوں نے شیر ،شیر کے نعرے لگائے جبکہ اراکین اسمبلی انہیں گلے ملے۔ سلمان رفیق نے کہا کہ ہمارے پارٹی قائد اور پارٹی صدر گرفتار ہیں،میں اور میرا بھائی گرفتارہیںاسی طرح ہمارے دیگر رہنما گرفتار ہیں،اس سے واضح ہے کہ صرف (ن) لیگ کو نشانہ بنایاجارہاہے اور نظر آ رہاہے۔ انہوں نے کہا کہ قانون پر بات کروں گاکیونکہ رویے تو مختلف ہوتے ہیں ۔سیاسی کارکن سخت ہوتاہے میری صحت بالکل ٹھیک ہے۔انہوںنے کہا کہ نیب کی تحویل میں مختلف مشہور لوگوں کی کتابیں پڑھ رہا ہوں،لاہور: اپنی آپ بیتی پر سو صفحات لکھ چکا ہوں۔ انہوں نے کہا کہ تحقیقاتی ادارے اپنا کام کریں لیکن ہمیں عدالتوں کو مضبوط کرنا ہے۔میری قیادت اس وقت جیل میں ہے،حکومت میںآنے کی کوئی باریاں نہیں ہوتی لیکن جانے کی ہوتی ہیں،میں نہیں چاہتا تحریک انصاف خدانخواستہ اس صورتحال کا شکار ہو۔بارڈر پر جب کوئی بھارتی گولی چلاتا ہے تو سیاست اور مذہب سے ہٹ کر چلاتا ہے۔گزشتہ حکومتوں نے نیب کے قانون پر کوئی کام نہیں کیا اب کرنا چاہیے۔آج بھی بنگلہ دیش کو مشرقی پاکستان کہنے کو دل کرتا ہے۔ انہوںنے کہا کہ اس اسمبلی میں پاکستان کے ہر شخص کی نظر ہے،ہمیںعام آدمی کا سوچنا ہے ،سی پیک، گواردر، ہسپتال، تعلیمی ادارے اور ڈیمز ہماری ترجیح ہونی چاہیے۔ انہوں نے کہا کہ کون سی جماعت ہے جس نے شہادتوں کا نذرانہ نہیں دیا،ایک نیشنل روڈ میپ ہونا چاہیے،آج کا پروڈکشن آرڈر جاری ہونا اسمبلی کی جیت ہے۔ خواجہ سلمان رفیق نے ایوان میں فیض احمد فیض کی نظم بھی پڑھی۔وزیر قانون راجہ بشارت نے کہا آج عمران خان ،پرویز الٰہی اور عثمان بزدار زندہ باد کانعرہ بھی لگایاجاتاتو اچھا ہوتا،پرویز الٰہی کی سپیکر شپ میں اس اسمبلی نے مثبت کرداراداکیاہے،آئندہ بھی جمہوریت کو مضبوط کرنے کیلئے کردار ادا کریں گے ،اپنی انا سے بڑھ کر فیصلے کرنا چاہیے۔ گزشتہ چند دنوں میں مرکز میں گرماگرمی ہے اگر سیاسی جماعتیں سنجیدگی کا مظاہرہ کریں تو جمہوریت مضبوط ہو گی،تلخ فیصلہ وقتی طورپرہوتاہے لیکن اس کے نتائج دوررس ہوتے ہیں،۔ انہوں نے کہا کہ اس اقدام پر پورا ایوان مبارکباد کا مستحق ہے ،اگر ضرورت پڑی تو عمران خان اور عثمان بزدار یہ نہیں دیکھیں کس کو فائدہ ہو رہاہے بلکہ جمہوریت کی مضبوطی کیلئے فیصلے کریں گے۔پیپلزپارٹی کے پارلیمانی لیڈرحسن مرتضی نے کہا کہ خواجہ سلمان رفیق کو ایوان میں آمدمبارک باد دیتاہوں ،سپیکر پرویزالٰہی اور سب کو مبارکباد دیتاہوں جنہوں نے مل کر کام کیا،سب کا رویہ مثبت ہے ۔ انہوں نے کہا کہ ہمارے جذبات اور نظریات کو مد نظر رکھاجائے ،تعداد کم ہے تو کیا ہوا،ہمیں کمیٹیوں میں نظر اندازکیاگیا، ایوان کی عزت کیلئے ہمیشہ قربانی دینے کیلئے تیار ہوں،مخالفت برائے مخالفت پیپلزپارٹی کا رویہ نہیں رہا ملک و قوم کی بہتری کیلئے حکومت کا ساتھ دیں گے۔قبل ازیں تحریک انصاف کی رکن مومنہ وحید نے رولز کی معطلی کی تحریک پیش کرکے ایک قرارداد پیش کی جس کے مطابق اگر کوئی رکن کامیاب ہونے کے بعد تین ماہ تک حلف نہیں اٹھاتا تو اس کی اسمبلی رکنیت ختم ہو جائے گی،اسمبلی رکن خالی نشست کے حوالے سے آئین میں ترمیم کا بھی مطالبہ کیا گیا۔غیر سرکاری ارکان کے دن پاک فوج کی جانب سے بھارتی جاسوس ڈرون گرانے کے حق میں قرارداد کثرت رائے سے منظور کرلی گئی۔وقفہ سوالات کے دوران وزیر خوراک کی جانب سے سوالوں کے تسلی بخش جوا ب نہ آنے پر سپیکر پرویز الٰہی بھی برہم ہو گے۔،سپیکر نے وزیر خوراک سے کہا کہ تیاری کرکے آیا کریں ا۔شوگر ملز کے حوالے سے حکومت نے پالیسی بنائی ہے تو وہ دکھا دیں ۔صوبائی وزیر نے کہا میرے پاس ڈرافٹ ہے لیکن سپیکراس سے مطمئن نہ ہو ئے ۔انہوں نے کہا کابینہ کے اجلاس میں پالیسی کی منظور لی جائے اور اسے ہائوس میں لایا جائے۔ایجنڈا مکمل ہونے پر سپیکر نے اجلاس آج بدھ کی صبح گیارہ بجے تک ملتوی کر دیا۔اجلاس مکمل ہونے پر سارجنٹ ایٹ آرمز نے خواجہ سعد رفیق کو نیب کے حوالے کیا جو انہیں واپس لے گئے ۔مزید اہم خبریں
-
وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقررکردیا
-
پاکستان میں ایکس کی بندش پرسوشل میڈیا پلیٹ فارم کا بیان سامنے آگیا
-
دبئی میں بارشیں، 50 سے زائد پاکستانی کویت ایئر پورٹ پر پھنس گئے
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، اس صنعت میں تعاون سے ملک کو عالمی معیشت سے جوڑا جا سکتا ہے، وفاقی وزیر اطلاعات عطاءاللہ تارڑ کا سیمی کنڈکٹر سمٹ 2024ءسے خطاب
-
آئی ایم ایف مذاکرات کے دوران روپے کی قدر میں کمی کا امکان نہیں، وزیر خزانہ
-
نومئی کے حملہ آور آج ملکی مفاد پر حملہ آور ہیں، عطاءاللہ تارڑ
-
پنجاب اسمبلی کے ملازم کی مبینہ خودکشی کی کوشش،اسمبلی کی عمارت سے چھلانگ لگا دی
-
’اسلام آباد کا کوئی پرسانِ حال نہیں‘ چیف جسٹس عامر فاروق کا اظہار برہمی
-
لاہور ہائیکورٹ نے جلسوں کی اجازت کیلئے تحریک انصاف کی درخواست ڈپٹی کمشنر لاہور کو بھجوا دی
-
ملک بھر میں زائد المیعاد شناختی کارڈز پر جاری موبائل سمز بند کرنے کا حکم
-
اس وقت عہدوں میں نہیں الجھنا چاہیے، میری گورنر شپ کا سفر سب کے سامنے ہے،گورنر سندھ
-
سرکاری ملازمین کے دفتری اوقات کار کا نیا شیڈول جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.