چیف جسٹس نے بلاول بھٹو زر داری او ر وزیر اعلیٰ سندھ کانام ای سی ایل سے نکالنے کا نہیں اس پر غور کا کہا ہے ، وزیر خارجہ شاہ محمود قریشی
اگر بلاول بھٹو زر داری وزیر اعلیٰ سندھ کے نام ای سی ایل پر نہیں بنتا تو ہٹا دینگے،بہت سے اختلافات کو سامنے رکھنے کے باوجود اپوزیشن لیڈر کی چیئرمین پی اے سی پر حق کو مانا، ہم احتجاج کرتے تھے تو کہتے تھے جمہوریت ڈی ریل ہوجائے گی،آج ہمیں تلقین کرنے والے بھی اس پر خود بھی عمل کریں ،ْ اسمبلی میں اظہار خیال اگر پی ٹی آئی کا کوئی بندہ ہوتا تو 24 گھنٹے میں نام نکل چکا ہوتا، ایک رکن کا نام ای سی ایل میں تھا ،وہ ملک سے باہر چلا گیا ، سید نوید قمر جمہوریت کو خطرہ اپوزیشن سے نہیں حکومت سے ہے، ایک ایسا شخص جو کبھی حکومت میں نہیں رہا اس کا نام کیوں ای سی ایل میں ڈالا گیا شاہد خاقان عباسی
بدھ 16 جنوری 2019 15:40
(جاری ہے)
انہوںنے کہاکہ ہم نے چیف جسٹس کے فیصلے سے انکار نہیں کیا ہے ۔ شاہ محمود قریشی نے کہا کہ اگر بلاول بھٹو اور وزیراعلی سندھ کے نام ای سی ایل پر نام نہیں بنتا تو ہٹادینگے ۔
انہوںنے کہاکہ وفاقی کابینہ نے فیصلہ کیا کہ ابھی تک چیف جسٹس کا تحریری فیصلہ نہیں آیا ،جب تک فیصلہ تحریری طور پر نہیں آتا اس وقت تک انتظار کررہے ہیں ۔ انہوںنے کہاکہ تفصیلی فیصلے سے پہلے کوئی بھی پوزیشن لینا مناسب نہیں ہے ۔ اجلاس کے دور ان اظہار خیال کرتے ہوئے سید نوید قمر نے کہا کہ اگر پی ٹی آئی کا کوئی بندہ ہوتا تو 24 گھنٹے میں نام نکل چکا ہوتا ۔سید نوید قمر نے کہاکہ پی ٹی آئی کے ایک رکن کا نام ای سی ایل میں تھا اور وہ ملک سے باہر چلا گیا۔سید نوید قمر نے کہا کہ کیا پی ٹی آئی ہجر اسود ہے کہ اس کو ہاتھ لگانے سے کافر مسلمان ہوجائے ۔سید نوید قمر نے کہاکہ اس معاملے پر اٹارنی جنرل آف پاکستان کو بلایا جائے اور اس معاملے پر ایوان کو تفصیلی طور پر آگاہ کیا جائے۔سید نوید قمر نے کہا کہ ای سی ایل کو سیاسی انتقام کے حربہ کے طور پر استعمال کیا جارہا ہے۔سید نوید قمر نے کہاکہ آپ چیف جسٹس کی ریٹائرمنٹ کا انتظار کررہے ہیں تاکہ وہ چلے جائیں اور فیصلہ پر عملدرآمد نہ ہو۔وزیر خارجہ شاہ محمود قریشی نے کہا کہ 172 افراد کو عجلت میں ای سی ایل میں ڈالا گیا جو نہیں ہونا چاہیے تھا۔شاہ محمود قریشی نے کہاکہ اب بھی چاہتے ہیں اس معاملے عجلت کا مظاہرہ نہ کیاجائے ۔شاہ محمود قریشی نے کہا کہ ہمیں بہتر روایات کو فروغ دینا ہے، ماضی میں کس طرح ای سی ایل استعمال ہوتا رہا اس میں نہیں جاؤں گا۔ شاہ محمود قریشی نے کہاکہ اس ایوان میں تجربہ کار افراد بیٹھے ہیں جنہوں نے مختلف ادوار دیکھے ہیں ۔ انہوںنے کہاکہ اس ایوان میں چلانے میں اپوزیشن کا کردار ہے وہ بھی اسے چلانے میں تعاون کرے ۔ شاہ محمود قریشی نے کہاکہ پوائنٹ اٹھائیں، حکومتی کمزوریوں کو اٹھائیں لیکن حکومتی نکتہ نظر ضرور سنیں،دو روز پہلے بھی ایک نجی بل تھا اس پر ووٹنگ ہوئی تو حکومتی ارکان زیادہ تھے۔ سابق وزیر اعظم شاہد خان عباسی نے اظہار خیال کرتے ہوئے کہاکہ جمہوریت کو خطرہ اپوزیشن سے نہیں حکومت سے ہے۔ سابق وزیر اعظم نے کہا کہ چند جملوں میں وزیر خارجہ بتادیں وہ کہنا کیا چاہتے ہیں انہوںنے کہاکہ اگر بلاول بھٹو کا نام ای سی ایل میں ڈال کر جمہوریت کی پاسداری کررہے ہیں تو آپ کے ساتھ ہیں آپ خود بلاول بھٹو کا نام جمہوری روایات کے پیش نظر کردیتے تو کیا ہی اچھا ہوتا ۔ انہوںنے کہاکہ ایک ایسا شخص جو کبھی حکومت میں نہیں رہا اس کا نام کیوں ای سی ایل میں ڈالا گیا۔شاہد خاقان عباسی کے جواب میں شاہ محمود قریشی نے کہاکہ معزز رکن نے کہا ہے کہ چند جملوں میں وزیر خارجہ بتا دیں میں صرف ایک جملہ کہونگا کہ ’’حوصلہ رکھیں ‘‘۔ وزیر خارجہ نے کہاکہ ہم احتجاج کرتے تھے تو کہتے تھے جمہوریت ڈی ریل ہوجائے گی،آج ہمیں تلقین کرنے والے بھی اس پر خود بھی عمل کریں ۔انہوںنے کہاکہ بہت سے اختلافات کو سامنے رکھنے کے باوجود اپوزیشن لیڈر کی چیئرمین پی اے سی پر حق کو مانا۔انہوںنے کہاکہ بنیادی حقوق آئین میں ہیں جن کا تحفظ ضروری ہے اس حوالے سے سپریم کورٹ آزاد بھی ہے اور خودمختار بھی شامل ہے۔مزید قومی خبریں
-
بلو چستان میں بہتر طرز حکومت اور شہر یوں کو ریلیف پہنچانا ہماری اولین تر جیح ہے، میرسرفراز بگٹی
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.