پنجاب حکومت سے کامیاب مذاکرات کے بعد کسانوںنے مال روڈ پر دو روز سے جاری دھرنا ختم کر دیا
مذاکرات کی کامیابی پر کسانوں کے بھنگڑے ،آلو کی ایکسپورٹ کے معاملے پر وفاقی حکومت سے ملاقات کی جائیگی‘ وزیر زراعت افغانستان ایکسپورٹ کے حوالے سے بھی مشکلات ختم کی جائینگی‘ نعمان احمد لنگڑیال کا کسان رہنمائوں سے مذاکرات کے بعد مال روڈ پر خطاب
بدھ 16 جنوری 2019 18:25
(جاری ہے)
پاکستان کسان اتحاد کے صدر خالدمحمود کھوکھر کی قیادت میں وفد نے وزیر زراعت احمد نعمان لنگڑیال سے مذاکرات کر کے انہیں اپنے مطالبات سے آگاہ کیا جنہیں تسلیم کرنے کی یقین دہانی کرائی گئی ۔
مذاکرات کامیاب ہونے کی اطلاع ملتے ہی دھرنے پر بیٹھے کسانوں نے ڈھول کی تھاپ پر بھنگڑے ڈالتے ہوئے نعرے لگائے ۔وزیر زراعت نعمان احمد لنگڑیال نے دھرنے کے شرکاء سے خطاب کرتے ہوئے کہا کہ میں خودکسان ہوں اورکسانوں کا نمائندہ ہوں،اگرشوگرملیں اگرگنے کے کاشتکاروں کی ادائیگیاںروکیں گی تو ان کیخلاف کارروائی کریں گے۔آلو کی ایکسپورٹ کے معاملے پر وفاقی وزیرخزانہ سمیت دیگر حکام سے ملاقات کی جائے گی ،کسانوں کواچھی ایکسپورٹ پرائس اچھی ملے گی،آلو کی افغانستان ایکسپورٹ کے حوالے سے جوبھی مشکلات ہیں وہ بھی ختم کی جائیں گی۔ انہوں نے کہا کہ ماضی میں زراعت کا گلہ گھونٹا گیا، 20 سال کا گند چارماہ میں ختم نہیں کرسکتے۔ وزیراعظم عمران خان کسانوں اورزراعت کی بہتری چاہتے ہیں اور اس کے لئے پالیسیاں بنا رہے ہیں۔ کسانوں کے مطالبات اوران کی آوازپنجاب اسمبلی اور وفاقی حکومت تک پہنچائوں گا۔قبل ازیں کسانوں نے شدید سردی میں رات مال روڈ پر گزاری ۔ پیپلز پارٹی کے پنجاب اسمبلی میں پارلیمانی لیڈر حسن مرتضیٰ کی قیادت میں وفد نے اظہا ریکجہتی کے لئے کسانوں کے دھرنے میں شرکت کی ۔ حسن مرتضیٰ نے کہا کہ ہم تو صرف جینے کا حق اور بچوں کی روٹی مانگ رہے ہیں ،ان حکمرانوں نے ہمارے بچوں کے منہ سے نوالہ تک چھین لیا ہے ۔انہوں نے کہا کہ آج یہ حالات ہیں کہ کسان اپنی فصلیں جلا رہا ہے اور حکمران تماشہ دیکھ رہے ہیں ،جب کنٹینر پر ہوں تو رویہ اور ہوتا ہے اورحکومت میں ہیں تو رویہ اور ہے ،اب کسانوں کو پرامن احتجاج پر مقدموں کی دھمکیاں دی جارہی ہیں،اگر کسانوں پر مقدمات ہوئے تو حکومت کی پنجاب اسمبلی میں اینٹ سے اینٹ بجا دیں گے ، اگر گرفتار کرنا ہے تو سب سے پہلے حسن مرتصی کو کرو ۔ انہوں نے کہا کہ پیپلز پارٹی کے دور حکومت میں کسان خوشحال تھا، جب سے یہ حکومت آئی ہے کسی بھی طبقے کے مسائل حل نہیں ہوئے۔ آج ہر ملیں ، صنعتیںبند ہو رہی ہیں ،یہ حکومت نہ جمہوری ہے نہ کچھ اور ہے،ان کی کوئی پالیسی نہیں جس سے ہر شعبہ تباہ ہو رہا ہے۔مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.