گورنر سندھ عمران اسماعیل کا موٹروے پر چالان ہو گیا

گورنر سندھ عمران اسماعیل کا چالان تیز رفتاری کے باعث کیا گیا،موٹروے پولیس

سید فاخر عباس بدھ 16 جنوری 2019 19:03

چکوال(اردو پوائنٹ تازہ ترین اخبار-16 جنوری 2019ء ) :موٹروے پر کلر کہار کے نزدیک گورنر سندھ عمران اسماعیل کا چالان کر دیا گیا۔چالان موٹروے پر تیز رفتاری کے باعث کیا گیا۔تفصیلات کے مطابق گورنر سندھ عمران اسماعیل موٹروے پر سفر کررہے تھے کہ حد رفتار کا خیال نہ رکھتے ہوئے منزل کی جانب بڑھنے لگے۔تیز رفتاری کے باعث موٹروے پولییس نے گورنر سندھ عمران اسماعیل کو روک لیا اور انکے ہاتھوں میں چالان تھما دیا گیا ۔

اس حوالے سے بات کرتے ہوئے موٹروے پولیس کا بتانا تھا کہ گورنر سندھ عمران اسماعیل کا موٹروے پر چالان ہو گیا۔گورنر سندھ کا چالان کلر کہار میں تیز رفتاری پر کیا گیا۔ ۔ایسا ہی ایک چالانکچھ روز قبل بھی کیا گیا۔ٹریفک وارڈن نے پاکستان تحریک انصاف کے ایم پی اے انجنئیر عدیل احمد کی جانب سے اوور سپیڈنگ کرنے پر انکا چالان کردیا تھا۔

(جاری ہے)

پی ایس 98 سے منتخب ہو کرسندھ اسمبلی کے رکن اسمبلی بننے والے تحریک انصاف کے رہنما انجنئیر عدیل احمد کو ٹریفک قوانین کی خلاف ورزی کرنا مہنگا پڑ گیا۔

ٹریفک وارڈن نے انجنئیر عدیل احمد کا 400 روپے کا چالان کردیا۔واضح ہو کہ انجنئیر عدیل احمد نے پی ایس 98 سے انتخابی معرکہ جیتا تھا اور وہ رکن سندھ اسمبلی منتخب ہوئے تھے۔