پاکستان نے معاشی ڈیٹا اکھٹا کرنے کیلئے ہمارا طریقہ اپنایا‘ آئی ایم ایف

یہ اسلام آباد کا اہم سنگ میل ہے‘اقتصادی ترقی میں مدد ملے گی:اعلامیہ

بدھ 16 جنوری 2019 22:28

پاکستان نے معاشی ڈیٹا اکھٹا کرنے کیلئے ہمارا طریقہ اپنایا‘ آئی ایم ..

واشنگٹن(اُردو پوائنٹ اخبارتازہ ترین - آن لائن۔ 16 جنوری2019ء) عالمی مانیٹری فنڈ (آئی ایم ایف) نے کہا ہے کہ پاکستان نے معاشی ڈیٹا اکھٹا کرنے کے لیے آئی ایم ایف کے طریقہ کار کو اپنایا اور درست معاشی ڈیٹا سے پاکستان کو اقتصادی ترقی میں مدد ملے گی۔

(جاری ہے)

بدھ کے روز عالمی مالیاتی فنڈز (آئی ایم ایف) کی جانب سے جاری اعلامیے کے مطابق آئی ایم ایف کے معاشی ڈیٹا اکھٹا کرنے کا طریقہ کار اپنانا پاکستان کا اہم سنگ میل ہے اور درست ڈیٹا سے پاکستان میں انسانی وسائل کی ترقی میں مدد ملے گی۔

اعلامیے کے مطابق درست معاشی ڈیٹا اسٹیٹ بینک، وزارت خزانہ اور پاکستان شماریات بیورو کے درمیان رابطے بہتر بنائے گا اور آئی ایم ایف کے سسٹم سے متعلقہ محکموں میں رابطے اور تعاون بہتر ہوسکے گا۔آئی ایم ایف کے مطابق پاکستان میں معاشی ڈیٹا مزید شفاف ہوسکے گا اور درست معاشی ڈیٹا لوگوں کو بہتر سہولیات فراہم کر سکتا ہے۔