بلاول بھٹو زرداری سے پیپلزپارٹی خیبرپختونخواہ کے صدر ہمایوں خان ، پیپلزپارٹی وسطی پنجاب کے صدر قمر زمان کائرہ، اور دیگر رہنمائوں کی ملاقاتیں

جمعرات 17 جنوری 2019 01:50

اسلام آباد ۔ (اُردو پوائنٹ اخبارتازہ ترین - اے پی پی۔ 17 جنوری2019ء) چیئرمین پاکستان پیپلز پارٹی بلاول بھٹو زرداری سے پیپلزپارٹی خیبرپختونخواہ کے صدر ہمایوں خان ، پیپلزپارٹی وسطی پنجاب کے صدر قمر زمان کائرہ، جنرل سیکریٹری چوہدری منظور، پیپلزپارٹی جنوبی پنجاب کے صدر مخدوم احمد محمود اور دیگر رہنما ئوں عبدالقادر شاہین، رکن قومی اسمبلی اور پیپلزپارٹی پارلیمنٹیرینز کی سیکریٹری اطلاعات ڈاکٹر نفیسہ شاہ نے الگ الگ ملاقاتیں کرکے سیاسی صورتحال سے آگاہ کیا۔

(جاری ہے)

قمر زمان کائرہ، ہمایوں خان اور مخدوم احمد محمود نے پارٹی چیئرمین کو تنظیمی امور اور صوبوں کی سیاسی صورتحال سے آگاہ کیا۔ چیئرمین بلاول بھٹو زرداری نے پارٹی عہدیداروں کو ہدایت کی کہ وہ پارٹی تنظیم کو موثر طریقے سے چلائیں اور یونین کونسل کی سطح تک عوام سے رابطے میں رہیں