نائن الیون حملوں میں بچ جانے والا امریکی کینیا میں دہشت گرد حملے میں ہلاک

نائن الیون دہشت گرد حملوں کے بعد ان کے بیٹے نے اپنی زندگی دوسروں کی مدد کے لیے وقف کردی تھی،والد

جمعرات 17 جنوری 2019 15:26

نائن الیون حملوں میں بچ جانے والا امریکی کینیا میں دہشت گرد حملے میں ..

واشنگٹن(اُردو پوائنٹ اخبارتازہ ترین - این این آئی۔ 17 جنوری2019ء) امریکا میں نائن الیون حملوں کے دوران بچ جانے والا امریکی شہری کینیا میں دہشت گرد حملوں میں مارا گیا۔

(جاری ہے)

غیر ملکی خبر رساں ادارے کے مطابق امریکی بزنسمین جیسن اسپنڈلر 2001 میں امریکا میں ہونے والے دہشت گرد حملوں میں بچ گئے تھے تاہم گزشتہ روز 17 سال بعد امریکی شہری کینیا میں دہشت گرد حملوں میں مارا گیا، جیسن کی والدہ کا کہنا ہے کہ ان کے بیٹے کا آفس ورلڈ ٹریڈ سینٹر میں تھا تاہم نائن الیون کے دن جب دہشت گردوں نے جہاز ٹاورز سے ٹکرائے، ان کے بیٹے کو آفس پہنچنے میں دیر ہوگئی جس کے باعث وہ بچ گیا۔

جیسن کے والدین کا کہنا تھا کہ نائن الیون دہشت گرد حملوں کے بعد ان کے بیٹے نے اپنی زندگی دوسروں کی مدد کے لیے وقف کردی تھی تاہم موت اس کو کینیا لے آئی اور دہشت گردوں کے حملے میں مارا گیا۔