شیرعباس خان نے جنرل منیجرآپریشن پیسکو کے عہدے کا چارج سنبھال لیا

جمعہ 18 جنوری 2019 20:58

پشاور۔ (اُردو پوائنٹ اخبارتازہ ترین - اے پی پی۔ 18 جنوری2019ء) شیرعبا س خان نے جنرل منیجر آپریشن پیسکو کا چارج سنبھال کرکام شروع کردیا ہے۔پیسکو ترجمان کے مطابق شیرعباس خان نے اپنے اس عزم کا اظہار کیا ہے کہ کمپنی کی ترقی اور صارفین کو ہرممکن سہولیات کی فراہمی کیلئے اپنے تمام ساتھی افسران اوراہلکاروں کے تعاون سے تمام تراقدامات اٹھائے جائیں گے اورکمپنی کی ترقی کیلئے تمام وسائل بروئے کارلائیں جائیں گے۔

(جاری ہے)

واضح رہے کہ شیرعباس خان کاتعلق وزیرستان ایجنسی کے محسود قبیلے سے ہے انہوں نے یونیورسٹی آف انجینئرنگ اینڈ ٹیکنالوجی پشاور سے انجینئرنگ کی،شیرعباس خان نے 1985 میں بطورایس ڈی او تربیلہ واپڈ میں شمولیت اختیار کی ،انہوں نے دوران ملازمت پیشہ ورانہ امور سے متعلق کئی ٹریننگز میں بھی شرکت کیں،شیرعباس خان نے مختلف ڈسٹری بیوشن کمپنیوں میں فرائض سرانجام دیں اورترقی کرتے ہوئے جنرل منیجرکے عہدے پر پہنچے ہیں۔