کامسیٹس اسلام آباد میں تحقیقی اور جائزہ آرٹیکلز کی تیاری پر ایک سیمینار کا اہتمام

جمعہ 18 جنوری 2019 21:32

اسلام آباد ۔ (اُردو پوائنٹ اخبارتازہ ترین - اے پی پی۔ 18 جنوری2019ء) کامسیٹس اسلام آباد میں تحقیقی اور جائزہ آرٹیکلز کی تیاری پر ایک سیمینار کا اہتمام کیا گیا۔ پروفیسر ڈاکٹر خالد محمود نے تحقیقی اور جائزہ آرٹیکلز میں فرق، تیاری اور مواد کو جمع کرنے اور پرکھنے کے مختلف اصولوں پر روشنی ڈالی۔

(جاری ہے)

انہوں نے کہا کہ تحقیقی آرٹیکلز کی طرح جائزہ آرٹیکلز بھی اہمیت کے حامل ہیں، ان کی اہمیت مختلف جگہوں پر مختلف ہو سکتی ہے لیکن افادیت سے انکار نہیں کیا جا سکتا۔

انہوں نے کہا کہ سوشل سائنسز میں جائزہ آرٹیکلز کا رجحان ابھی کم ہے لیکن معاشرہ میں پائی جانے والی مختلف ناہمواریوں کو اجاگر کرنے کیلئے یہ آرٹیکلز اہم کردار ادا کر سکتے ہیں۔ اس موقع پر اپنے ایک جائزہ آرٹیکلز امریکی پولیس کی سیاہ فام باشندوںکے خلاف کارروائیوں کا بھی حوالہ کیا۔ خالد محمود نے کہا کہ آرٹیکلز کی تیاری اور مواد کے جائزہ اور پرکھنے کیلئے اینڈ نوٹ جیسے سافٹ ویئر معاون ہو سکتے ہیں۔