آسٹریلین اوپن ٹینس، جوکووچ، نڈال، نیشکوری، رائونک، مدودوف اور کارینو بسٹا مینز سنگلز پری کوارٹر فائنل میں پہنچ گئے

میلبورن (اُردو پوائنٹ اخبارتازہ ترین - اے پی پی۔ 19 جنوری2019ء) ک عالمی نمبر ایک سربین سٹار نوویک جوکووچ، رافیل نڈال، کائی نیشکوری، میلوس رائونک، ڈینل مدودوف، پبلو کارینو بسٹا فتوحات برقرار رکھتے ہوئے سال کے پہلے گرینڈ سلام ٹینس ٹورنامنٹ آسٹریلین اوپن مینز سنگلز پری کوارٹر فائنل میں پہنچ گئے۔ ہفتہ کو آسٹریلیا میں جاری میگا ایونٹ میں کھیلے گئے مینز سنگلز لاسٹ 32 رائونڈ میچز میں جوکووچ نے عمدہ کارکردگی کا مظاہرہ کرتے ہوئے ڈینس شپووالوو کو زبردست مقابلے کے بعد 6-3، 6-4، 4-6 اور 6-0 سے ہرا کر پری کوارٹر فائنل کیلئے کوالیفائی کیا، ہسپانوی سٹار اور سابق عالمی نمبر ایک نڈال بھی تیسرا مرحلہ عبور کرنے میں کامیاب رہے، انہوں نے آسٹریلوی کھلاڑی ایلکس ڈی منور کو شکست فاش سے دوچار کیا، جاپانی کھلاڑی نیشکوری نے جائو سوزا کو شکست دے کر ایونٹ سے باہر کر دیا، فتح کے ساتھ نیشکوری پری کوارٹر فائنل میں داخل ہو گئے، روسی کھلاڑی ڈینل مدودوف نے ڈیوڈ گوفن کو ہرا کر پری کوارٹر فائنل میں جگہ بنا لی، اسپینش کھلاڑی کارینو بسٹا نے اٹالین کھلاڑی فابیو فوگنینی کو شکست دے کر ایونٹ سے باہر کر دیا، میلوس رائونک بھی تیسری رکاوٹ عبور کرنے میں کامیاب رہے، انہوں نے فرانسیسی کھلاڑی پائری ہیوز ہربرٹ کو شکست دی۔

(جاری ہے)

الیگزینڈر زیوریف اور بورنا کورک بھی اپنے اپنے حریفوں کو ہرا کر پری کوارٹر فائنل میں پہنچ گئے۔