فلم’ ’پتی، پتنی اور وہ‘‘ کا سیکوئل بنانے کا آغاز کردیا گیا

اداکار کارتک آریان، اننیا پانڈے اور بھومی پڈنیکر جلوے دکھاتی نظر آئیں گی فلم کی شوٹنگ کا آغاز فروری سے ہوگا،‘ اسے رواں سال کے آخر تک ریلیز کردیا جائیگا

پیر 21 جنوری 2019 12:07

فلم’ ’پتی، پتنی اور وہ‘‘ کا سیکوئل بنانے کا آغاز کردیا گیا

ممبئی (اُردو پوائنٹ اخبارتازہ ترین - این این آئی۔ 21 جنوری2019ء) سنجیو کمار، ودیا سنہا اور رنجیتا کور کی مقبول فلم’ ’پتی، پتنی اور وہ‘‘ کا سیکوئل بنانے کا آغاز کردیا گیا۔ماضی کی مقبول فلم کے سیکوئل میں اداکار کارتک آریان، اننیا پانڈے اور بھومی پڈنیکر جلوے دکھاتی نظر آئیں گی۔

(جاری ہے)

دکن کیرونیکل نے اپنی رپورٹ میں بتایا کہ اگرچہ پتی، پتنی اور وہ کے سیکوئل کی کاسٹ کا اعلان کردیا گیا، تاہم فوری طور پر یہ واضح نہیں ہو سکا کہ فلم میں کارتک آریان کی اہلیہ اور دوسری خاتون کا کردار کون ادا کرے گی۔

تاہم خیال کیا جا رہا ہے کہ بھومی پڈنیکر فلم میں کارتک آریان کی اہلیہ کا کردار ادا کرتی دکھائی دیں گی، جب کہ اننیا پانڈے ان کے ساتھ افیئر چلاتی نظر آئیں گی۔فلم کی ہدایت مدثر عزیز دیں گی، جب کہ اسے ٹی سیریز کے بشن کمار اور ابھے اور جنو چوپڑا پروڈیوس کریں گے۔فلم کی شوٹنگ کا باقاعدہ آغاز فروری سے ہوگا، جب کہ ممکنہ طور پر اسے رواں سال کے آخر تک ریلیز کردیا جائے گا۔