رحیم یارخان،ڈسٹرکٹ پریس کلب کی نومنتخب کابینہ کومبارکباددینے کاسلسلہ جاری

رحیم یارخان۔ (اُردو پوائنٹ اخبارتازہ ترین - اے پی پی۔ 21 جنوری2019ء) ڈسٹرکٹ پریس کلب کی نومنتخب کابینہ کومبارکباددینے کاسلسلہ عروج کوپہنچ گیا‘گذشتہ روزجمعیت علمائے پاکستان کے رہنماء چوہدری ریاض احمدنوری نے وفدکے ہمراہ نومنتخب صدرپریس کلب میاں احسان الحق‘ جنرل سیکرٹری نعمان اسلم ‘ سینئرنائب صدرفاروق ریاض گجر‘ نائب صدورطارق محمودچوہدری‘ اشفاق علی احسن‘ فنانس سیکرٹری انوارالحق رامے‘ انفارمیشن سیکرٹری حافظ فلک شیرسندھو‘ جوائنٹ سیکرٹری خالدجمیل‘ ایڈیشنل جوائنٹ سیکرٹری انورسہیل ‘ ممبران مجلس عاملہ حفیظ چوہدری‘ جاویداقبال چوہدری‘ عمران مدنی‘ فاروق سندھو‘ راجہ شاہد‘ فیاض محمود‘ راناشہزاد‘ نذرمحمدچاچڑ‘ جاویداقبال‘ محمدسہیل پاشاودیگرکوانتخابات میں بلامقابلہ کامیابی پرمبارکباددی اورہارپہنائے‘ چوہدری ریاض نوری نے کہاکہ پریس کلب نے ضلع کے عوام کے مسائل حل کرنے اوربہتری کے لیے ہمیشہ کلیدی کرداراداکیاہے ‘ اس موقع پرمیاں احسان الحق‘ نعمان اسلم ودیگرنے کہاکہ پریس کلب کی تعمیروترقی اورمثبت صحافت کے فروغ کے لیے عملی اقدامات اٹھائیں گے اورعوام کے مسائل کے حوالے سے مو ثراندازمیں اقدامات کریں گے۔