اداکارہ ایشا دیول کے گھرایک بارپھرننھے مہمان کی آمد متوقع

اداکارہ ایشا 2012 میں شادی کے بندھن میں بندھ گئیں اورفلموں سے کنارہ کشی اختیارکرلی

منگل 22 جنوری 2019 11:55

اداکارہ ایشا دیول کے گھرایک بارپھرننھے مہمان کی آمد متوقع

ممبئی(اُردو پوائنٹ اخبارتازہ ترین - این این آئی۔ 22 جنوری2019ء) اداکار دھرمیندر اورہیما مالنی کی بیٹی اداکارہ ایشا دیول کے گھر ایک بار پھر ننھے مہمان کی آمد متوقع ہے۔فلم ’’دھوم‘‘ سے شہرت حاصل کرنے والی اداکارہ ایشا دیول نے انسٹاگرام پر ایک پوسٹ شیئر کرکے بتایا کہ وہ دوسری بارماں بننے والی ہیں۔

(جاری ہے)

ایشا دیول متعدد فلموں میں اداکاری کے جوہردکھا چکی ہیں لیکن وہ بالی ووڈ میں اپنے والدین دھرمیندر اورہیما مالنی کی طرح کامیاب نہ ہوسکیں۔

فلموں میں خاص کامیابی نہ ملنے کے باعث ایشا 2012 میں شادی کے بندھن میں بندھ گئیں اورفلموں سے کنارہ کشی اختیارکرلی۔ 2017 میں ان کے گھر پہلی بیٹی رادھیا پیدا ہوئی اور اب انہوں نے سوشل میڈیا پر ایک بار پھر ماں بننے کی اطلاع دی ہے۔واضح رہے کہ ایشا دیول ’’ناتم جانونا ہم‘‘ ، ’’کوئی میرے دل سے پوچھے‘‘ اور’’نوانٹری‘‘ سمیت متعدد بالی ووڈ فلموں میں اداکاری کر چکی ہیں۔