مفتی عبدالقوی کی خاتون کے ساتھ ویڈیو سوشل میڈیا پروائرل ہو گئی

سوشل میڈیا صارفین کے مفتی عبدالقوی کی ٹک ٹاک ایپ پر خاتون کے ساتھ بنائی گئی ویڈیو پر دلچسپ تبصرے

مقدس فاروق اعوان منگل 22 جنوری 2019 13:31

مفتی عبدالقوی کی خاتون کے ساتھ ویڈیو سوشل میڈیا پروائرل ہو گئی

لاہور (اُردو پوائنٹ تازہ ترین اخبار۔ 22 جنوری 2019ء) : گذشتہ کچھ عرصے سے ٹک ٹاک نامی ایپ نے بہت مقبولیت حاصل کی ہے،جس میں صارفین مخلتف گانوں پر ڈبنگ کرتے ہوئے اپنی ویڈیوز بناتے ہیں۔ٹک ٹاک ایپ پر ہمیں چھوٹے بڑے ہر عمر کے افراد کی ویڈیوز نظر آتی ہیں۔تاہم اب ٹک ٹاک ایپ پر ایک ایسی ویڈیو سامنے آئی ہے جس نے سب کی توجہ اپنی جانب مبذول کر لی ہے۔ویڈیو میں کوئی اور نہیں بلکہ اکثرخبروں کی زد میں رہنے والے مفتی عبدالقوی ہیں۔

ویڈیو میں مفتی عبدالقوی کے ساتھ ایک خاتون بھی موجود ہیں جنھیں ویڈیو میں مفتی عبدالقوی کے ساتھ ادائیں دکھاتے ہوئے دیکھا جا سکتا ہے۔ جب کہ مفتی عبدالقوی بھی ویڈیو میں بہت مطمئن دکھائی دے رہے تھے۔ویڈیو سوشل میڈیا پر وائرل ہونے کے بعد سوشل میڈیا صارفین نے بھی ویڈیو پر دلچسپ قسم کے تبصرے کیے ہیں۔

(جاری ہے)

کچھ صارفین نے تو مفتی عبدالقوی کی اس ویڈیو کو خوب انجوائے کیا تاہم کچھ صارفین نے مفتی عبدالقوی پر تنقید کرتے ہوئے کہا کہ مفتی عبدالقوی ٹی وی پر بیٹھ کر شرافت کے بھاشن دیتے رہتےہیں اور مختلف خاتون اداکاروں کو پردہ کرنے کی تلقین کرتے ہیں تاہم اب وہ خود ہی ایک خاتون کے ساتھ ویڈیو بنا رہے ہیں۔

واضح رہے مفتی عبدالقوی مخلتف وجوہات کی بنا پر خبروں کی زینت بنے رہتے ہیں۔مفتی عبدالقوی کا نام اس وقت سب سے زیادہ خبروں میں آیا جب انہوں نے ماڈل قندیل بلوچ سے ملاقات کی تھی جس کے کچھ عرصہ بعد ماڈل قندیل بلوچ کو قتل کر دیا گیا تھا۔ مفتی عبدالقوی کو ماڈل قندیل بلوچ کے کیس میں بھی نامزد کیا گیا تھا۔